ذيب عروا اقرب جاي
زبن الجعفري العنزي17-Jul-2009, 12:34 PM
سلام تسليمة من صادق احساس= ياشاعر مطير مادوني ودونك
ياذيب عروا علامك مبلش الناس = الناس خلقه تراهم مايبونك
صاهود17-Jul-2009, 12:48 PM
يامرحبا وانت يابعدك عن الكاس=لو القبايل وراك ايشجعونك
الذيب من يرغبه ياطيب الساس=مايرّغب وانت والله يرغبونك
زبن الجعفري العنزي17-Jul-2009, 01:13 PM
الله الله
دام البقا والذهب مايقلب نحاس= الناس لو حاولوا مايقلبونك
الذيب مانجهله لو يلبس لباس=مالوم يوم العرب ماياكلونك
صاهود17-Jul-2009, 01:44 PM
اهب يالسبحه اللي كلها الماس=لو تنعرض عندهم مايشترونك
الخال ماينوكل من ميمت الحاس=رح وانشد اللي وراك ايعلمونك
زبن الجعفري العنزي17-Jul-2009, 02:48 PM
مانته محصل عشى ياطابخ الفاس= لكن ياصاحبي ريح جنونك
لو المطيري سكن في وسط تكساس= حتى النصارى ترى مايامنونك
صاهود17-Jul-2009, 03:02 PM
انت العشا والعوض يابارد الباس=لاجعت خليت ربعك يدفنونك
انا مطيري وديني يرفع الراس=ولاّ انت في كربلا تضرب متونك
صاهود17-Jul-2009, 03:10 PM
ماهكذا تورد الابل الاستذان مطلوب ياراع الجدعا
زبن الجعفري العنزي17-Jul-2009, 03:49 PM
ياللي تحط البضايع وسط الاكياس= الدفن للي مثل شكلك ولونك
وقت مضى وانت بين الخوف والياس= تنباع واللي يبونك يشترونك
صاهود17-Jul-2009, 04:14 PM
لو ادري انك كذا مضغطك يادباس=حرام دمعك تهله من عيونك
لاعاد اشوفك تجي قطاع الارماس=دور مع اهل الشماليه زبونك
صاهود17-Jul-2009, 04:20 PM
صح السانك ياراع الجدعا
ولنا لقاء اخر باذن الله
زبن الجعفري العنزي17-Jul-2009, 04:21 PM
صح لسانك وبدنك
لنا لقاء قريب جدا
طائر الاشجان17-Jul-2009, 10:47 PM
سلام تسليمة من صادق احساس
ياشاعر مطير مادونـي ودونـك
ياذيب عروا علامك مبلش الناس
الناس خلقـه تراهـم مايبونـك
يامرحبا وانت يابعدك عن الكاس
لو القبايـل وراك ايشجعونـك
الذيب من يرغبه ياطيب الساس
مايرّغب وانت والله يرغبونـك
هههههههه
فتل ونقض عالمي
صحت اللسنتكم على الطاورق الجميل
وفي انتظار الثاني
صاهود19-Jul-2009, 11:03 AM
طاير الاشجان
مرحبا ومسهلا
علي خيران العتيبي19-Jul-2009, 03:58 PM
الذيب من يرغبه ياطيب الساس
مايرّغب وانت والله يرغبونـك
الله الله
رد جميل و خروج ذكي
و غير مستغرب هالشي من ذيب عروا :)
و صحت السنتكم راع الجدعا و ذيب عروا :)
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
