علموا الاصعر يقرب جاي !!
محمد بن رشيد21-Jul-2009, 02:45 PM
الله الله
عتيبه ياعتيبه علموا عبدالله الاصعر = تراني ناوي ٍ لي فيه نيه .. يالله الخيره !!
ليا منا تواجهنا والا يايومه الاقشر = على وضح النقا والشمس حيه .. يالله الخيره !!
فايز بن سرحان الثبيتي21-Jul-2009, 02:48 PM
ليا منا تواجهنا والا يايومه الاقشر
على وضح النقا والشمس حيه .. يالله الخيره !!
ولا يايومه الاقشر ههههههه صح لسانك يابن رشيد
...
وافي وافي
...
وصح لسان الاصعر مقدما متابعين
محمد بن رشيد21-Jul-2009, 02:50 PM
ابن سرحان
لاتقول بر لين توكي علااه ههههههه الله يستر
هلااا وسهلااا
شرفت بحضووورك ومتابعتك نوماس
عبدالله الاصعر21-Jul-2009, 03:07 PM
محمد يامحمد كان قلبك مثل قلب الحر=تطرف لا توقع في يديه يالله الخيره
لياسميت بالرحمن فوقك مالحقني شر=وسيفي في يميني ماعليه يالله الخيره
عبدالله الاصعر21-Jul-2009, 03:11 PM
ابن سرحان حياك الله يالغالي
وصح بدنك
مشكور على المرور
تحياتي
محمد بن رشيد21-Jul-2009, 03:14 PM
الله الله الله
ابا ألعب معك ساعه ثم ابا اضبط فوقك المحضر =ومن راسي وما خطت يديه .. يالله الخيره !!
يبا يعلم ويدري عن علومك ضابط المخفر = عساها حسنة ٍ ماجت بسيه .. يالله الخيره !!
عبدالله الاصعر21-Jul-2009, 03:31 PM
اناماني بمجرم يامحمد تكبـر وتصغر=علومك (لا تزوّرلك قضيه) يالله الخيره
علومي طيّبه وتعز راس اللي بها يفخر=وراسي يطّبخ كله حميه يالله الخيره
محمد بن رشيد21-Jul-2009, 03:42 PM
الله الله
عسى ربي عليكم يالثنين من الخطر يستر = طراقي فالديار الاجنبيه .. يالله الخيره!!
انا ماقول لك ياشاعر العضيان ماتقدر = لكنك بين هذيه وذيه .. يالله الخيره !!
عبدالله الاصعر21-Jul-2009, 03:59 PM
سعينا يامحمد فالبلاد و سعينا يشكر=وكلاّ في يمينه بندقيه يالله الخيره
لكن انته عساك تجدد اللي من قبل يذكر=رسوم دارسه فالجاهليه يالله الخيره
محمد بن رشيد21-Jul-2009, 04:06 PM
الله الله
ابا علّم عليك القاضي اللي يسجن العسكر = غرورك عقّب ألك العنجهيه .. يالله الخيره !!
انا حاضر وفي وقت اللزوم اليا دعيت احضر = ولا ابغى منك يالاصعر وصيه .. يالله الخيره !!
محمد بن رشيد21-Jul-2009, 04:09 PM
عبدالله الاصعر
شاعر متمكن ولي الشرف باللعب معك ...
صح لساااانك والختااام عندك
لاهنت
بندر المرشدي21-Jul-2009, 04:33 PM
الله.. الله
محمد بن رشيد
وعبدالله الاصعر
بيض الله وجيهكم على الطاروق الجزل
صحت السنتكم
عشقA21-Jul-2009, 04:59 PM
بن رشيد & الاصعر
صحت الألسن والقلوب يامبدعينا...
تحياتي....
عبدالله الاصعر21-Jul-2009, 05:36 PM
انا عندي ثقه ماني بنفسي فالزمن مغتر=غني مثل الرياجيل الغنيه يالله الخيره
عليك الله اكبر يا شهر من خيرة الاشهر=لكن مانت بشهر عيد الضحيه يالله الخيره
عبدالله الاصعر21-Jul-2009, 05:38 PM
بنــــــــــــــــــــــــدر المرشــــــــــــــــــدي
صح بدنك وبيض الله وجهك على المرور
لك مني خالص التحيه والتقدير
عبدالله الاصعر21-Jul-2009, 05:40 PM
عشــــــــــــــــق
صـــــح بدنــــــك
تحياتي لك يالغالي
قادح شرار21-Jul-2009, 06:35 PM
لو أنا مشرف كان حطيت على الطاروق هذه 10 نجوم ..
صحت ألسنكم ..
عبدالله الاصعر21-Jul-2009, 06:42 PM
حياك يا قادح شرار
وبيض الله وجهك على المرور
مرورك شرف ويكفي عن النجوم
صح بدنك تحياتي
نوآف الغنامي21-Jul-2009, 08:20 PM
يا سلام يا سلام
صحت السنتكم ملياااااااااااااار
طاروووووق ولا اجمل .....!
بيض الله وجيهكم
..
سلطان بن دحيم21-Jul-2009, 08:54 PM
يا سلام يا سلام
صحت السنتكم ملياااااااااااااار
طاروووووق ولا اجمل .....!
بيض الله وجيهكم
عبدالله الاصعر22-Jul-2009, 01:30 PM
خيال الصفراء
سلطان ابن دحيم
صحت ابدانكم
تحياتي
