قصيدة مرير الحبيل في نهار النخيش أداء عيد الحربي

السلام عليكم ورحمة الله وبركاته

أسعد الله أوقاتكم بالحب والخير والمسرات ..

قصيدة الشاعر مرير الحبيل العتيبي في الأستاذ : نهار بن ضاوي النخيش النفيعي

أنشاد : عيد حمود الحربي

http://www.youtube.com/watch?v=Nx1qpnAZ1M8

كلمات القصيدة :


سلام يلـي تفعـل الطيـب يمنـاك=نسل الرجال أهل الكـرم والحميـه
الطيب لأهل الطيب مثلك وشـرواك=يلـي عزومـك فالمراجـل قويـه
ومشايخ العتبان تمشـي وتنصـاك=تستقبل الضيفان صبـح وعشيـه
من دولة ابن سعود نمشي وجيناك=جيناك يابو انور بنفـس ٍ رضيـه
وجينا مع الجمهور بعرض من جاك=ولقيـت نـارك للمطاليـق حيـه
تبدي تراحيبـك ويضحـك محيـاك=والطيـب والترحيـب والمقدريـه
وراح التعب يوم التقينـا وشفنـاك=في وسط ربعك مثل قـارت طميـه
سبحان منهو قسم الخلق وعطـاك=وملكتـنـا بأخـلاقـك العالمـيـه
يضحك حجاجك يالعتيبي لمن جـاك=ومدحتك يبن الجـود حـق ٍ عليـه
وحنـا ليامنـا مدحنـا محـدنـاك=دايم علومـك فالمجالـس طريـه
والناس تمدح يالعتيبـي سجايـاك= وفيـت يـا راع اليميـن النـديـه
نهار ابن ضاوي عسى الخبل يفداك= ويفداك خبـل ٍ مـا يقـدر خويـه
يفداك خبل مـا يسـوي سوايـاك=ولاهنت يـا راع اليميـن السخيـه
والله وانا ساله من الشـر ياقـاك=واطلب عسى يرعـاك رب البريـه
واطلب عسى المعبود يمحى خطاياك=وياقاك مـن صكـات دنيـا دنيـه
وعسى المنايـا يالعتيبـي تعـداك=وتعيش في الدنيـا حيـاة ٍ هنيـه
والي بقى عندي سلامتـك وعفـاك=وتقبـل الابيـات مـنـي هـديـه

صح لسان الشاعر مرير الحبيل

ويستاهل أبو أنور

يستاهل المدح ابو انور دايم وعلومه طيبه
ولاهان الشاعر مرير الحبيل
ولاهنت ياطارق على النقل

..


لا هنت يالغالي..

صح الساااااااااااااااااااااااااانه


ويستاااااااهل النخيش