ياسيدي نايف وريث المجد محمود المقام

ياسيدي نايف وريث المجد محمود المقام





[صورة غير متوفرة]




قصيدة في روح الشهيد بإذن الله تعالى اللواء / عبدالجليل شارع العتيبي رحمة الله رحمة واسعة وتقبله الله مع الشهداء .







ياسيدي نايف وريث المجد محمود المقام=حنا الذخيرة في يديك وكلنا عبدالجليل
حنا عتيبة ماعلينا من خفافيش الظلام=نعلن ولانا للقيادة كل صبح وكل ليل
حنا على عهد الجدود اللي على وقت الإمام= من غابر الأزمان مانعرف بنكران الجميل
تاريخنا ماهوب فوق الأرض من فوق الغمام=وأذكارنا عبر الزمن تروى لجيل(ن) بعد جيل
هذا ولدنا للوطن ضحى ونال أعظم وسام=حاز الشهادة بإذن رب الكون والظل الظليل
عبدالجليل إستشعر الموقف وجود في الحزام=وأقدم على المجرم بحزم وسطر الفعل النبيل
قايد شجاع أثبت تفاني في المهمات الجسام=إخلاص أبو مشعل تجلى والقدم دمه يسيل
الدم ينزف بس في قلبه شجاعة وإحتدام=والرأس يغلي بالأمانة والظفر ماهو ذليل
ولسان حاله قول : مايهناك ياعيني منام=لين أودع المجرم قتيل إيدي ولا آنا القتيل
عز الله إنك نلت مطلوبك وحققت المرام =مامتت لي أشبعت خصمك ذل وأشفيت الغليل
إرقد قرير العين يانسل الرجاجيل الكرام =تغشاك رحمة واسع الرحمة مع الأجر الجزيل
هنا على رتبة لواء رقوك وأولوك إهتمام =وهناك رتبة جنة الفردوس فوق السلسبيل
الله يبيحك ياعظيم الفعل ماهوب الكلام=ويعوضك الله جنة الفردوس ويعوض الزميل
زميلك اللي وقفته عظمى كما الناس العظام=الحارثي والأكلبي ميقافهم ماله مثيل
والشعب كله من شروره ( يام ) لين طريف ( شام )=لو راحت الأرواح من دون الوطن قالوا قليل
وياسيدي نايف وريث المجد محمود المقام=حنا الذخيرة في يديك وكلنا عبدالجليل


راجح المغيري العتيبي

صح لسان راجح


والله يتقبل عبدالجليل




لاهنت على النقل

..


صح لسانه الشاعر الكبير / راجح المغيري

والله يرحم الشهيد البطل عبدالجليل الدغيلبي ويسكنه فسيح جناته ...

..

.
ويــاســيــدي نـــايـــف وريــــــث الــمــجـــد مــحــمـــود الــمــقـــام
حــــنــــا الـــذخـــيـــرة فـــــــــي يــــديـــــك وكـــلـــنـــا عـبـدالـجــلــيــل

رحم الله اللواء عبد الجليل الدغيلبي العتيبي
وصح لسانك الوافي الجزل الشاعر راجح المغيري العتيبي ...

رحم الله الفقيد وزميله


والشكر لك ياراجح

الله يرحمه الفقيد وزميله

وصح لسان شاعر القصيده

مشكوووووووووووووووورين ...

صح لسان شاعر الموقف وسلمت يمين بطل الموقف... عبدالجليل الفارس.. عبد الجليل الشجاع.. عبدالجليل بن شارع بن حثلان.. ذهبنا مع حروف راجح إلى جبال نجران ورمال الوديعة التي شهدت هذه الملحمة النادرة فما علمنا كان القليل وما حصل تحت جنحات الظلام الدامس في تلك الليلة كان الكثير...

جزاك الكريم كل الخير على نقلك وتخليد ذكر هذا البطل وكلنا عبدالجليل....

لمن يرغب تجدون المرثية منشدة في قسم الصوتيات والمرئيات من هذا المنتدى...

صح لسان الشاعر المبدع

ابونايف

والله يرحم شهيد وفقيد الواطن