يافهيد خل الذود يرعئ المشاقيق\ الشاعر سهل الكسر

هذ القصيده للشاعر الكبير سهل بن نايف الكسر المرشدي يقول فيها=



يافهيد خل الذود يرعئ المشاقيق = حتئ يفل الذود من غير راعي
علئ المطار و فلها منه تشريق = بيمن جبو[ن]حط حسوه رفاعي
جبو[ن] عمره الهرس ملفئ المطاليق = يبغاه دون حدود مرشد دفاعي
خشم الينوفي من طوال الشواهيق = هو حدنا ليا راح فيها نزاعي
تستضمي الابل منه بير المصافيق = بير [ن] مراهيها بيار ن وساعي
ماقط دون الماء قفلنا الطواريق = يوم العدود الهمج ماءها يباعي
يفرحبنا الضميان ليا نش فالريق = ليا طوح الحاض خفاف الطباعي
قبيلة[ن] يوم السنين المماحيق = ريف الضيوف الي تجينا جياعي
ليا جو لاحقهم خلاف و ملاحيق = في ليلة[ ن] تشبه جناح الرقاعي
اول قرانا الهيل مع فكة الريق = يبري عن الضرم روسن صداعي
وقصابنا دايم سلاحه مواريق = يرفع لجيعان الطيور الذراعي
مراشده مثل الشهاب الشواعيق = نطاحة الكايد رجال[ن] سواعي
وان جاء نهارن فيه للهرج تحريق = ثم راح عج الخيل مثل البقاعي
ثم تلاوحو بضهورهن المطاليق = كلن تحضن راسها بصراعي
ليا فرعن الي لهنه عشاشيق = كل شعوئ قامت تحذف القناعي
علم ليا جبناه ماهو بتلفيق = مثل نهارن بيمن ام السباعي
كريوين عنه الخيل تعط الراويق = بشلفا مضاربها تهاوئ وساعي
انا امدح ربعي ودل الطواريق = يرتاح بالي ليا مدحت الشجاعي
وليا ضاق من علمي مريزيق و رزيق = يضرب براسه فالهضاب المقاعي
والي يبغئ يعلق علئ القاف تعليق = يمد باعه كان يلحق لباعي
وسلا متكم

ابوعدي الاهنت على النقل ولو فيه بعض الأخطاء الأملائيه لكن ماقصرت و الشاعر سهل غني عن التعريف والله لايهينك تقبل مروري

صــــــــــــــح لـســـــــــــــــاااااااااانك

الهباع\ تسلم علئ المرور وانت صادق يالذيب فيه بعض الاخطاء وكذالك نسيت بيت او بيتين ماكتبتها

اخوي سعد المقاطي \ صح بدنك والله لايهينك يالذيب

ونعم بالاد مرشد

وصح لسان الشاعر سهل الكسر

س ..


اتمنى تفيدونا عن الأكوان والمغازي التي خاضوها آلاد مرشد لوحدهم مع المصادر طبعاً عشان تضبط صح

سلمان @المرشدي



تسلم على النقل المميز والاختيار الجزل ولاعدمتك يالقرم


سجل اعتزازي ووافر شكري

س ..


اتمنى تفيدونا عن الأكوان والمغازي التي خاضوها آلاد مرشد لوحدهم مع المصادر طبعاً عشان تضبط صح


عفيف


راجع سعدون الهرس عندك


ولاتضبط احد مشكور


خلك فوق الاصفر