فلّه وشغّاله وشوفير

السلام عليكم ،،


على ريشة الذكـرى تهـبّ الهبـوب اعصيـر=ويــطــرقــنــي الـــهـــاجـــوس لاقـــــــــام يــطــرقــهـــا
أنــــا ادنــــاة مـايـثّــر عــلــي لاحــصــل تـأثــيــر=يضيـق الـصـدر بالحـيـل واشمـاغـي افهقـهـا
وأسـافــر عـلــى ركــــب الـخـيــالات والتـفـكـيـر=تـعـانــقــنــي الــــذكـــــرى الــقــديــمـــه واعــانــقــهـــا
تـذكـرّتــهــا ثـــــــم بــعــدهـــا مـــاذكــــرت الــخــيـــر=بـــعــــد زلّـــــــت الأحـــــــلام وازريـــــــت احـقــقــهــا
عــلــى رحــلـــةٍ فـيــهــا تـغــيّــر مــســـار الـســيــر=أنـــــــا يـــــــم مـغــربــهــا وهـــــــي يــــــــم مــشــرقــهــا
واردد يــالـــيـــت ولــــــــو يالله عــــســــاه ومــــيــــر=واكــــذب عــلــى نـفـســي بـحـلـمــي واصـدقــهــا
عــلـــي تــرســـل الأحـــــزان مـاتـقـبــل الـتـأخـيــر=كـتــايــب جــيـــوش الــحـــزن صــفّـــت فـيـالـقـهـا
سيـوفٍ تسـل وضـرب شلـف وخيـول اتغيـر=ولا الــنــفــس تـحـيـيـهــا ولا الــنــفـــس تـشـنـقــهــا
ولا اسمـع مـن العـذّال فيهـا ونصـح امشيـر=مـــن اقـوالـهـم واذنـــي عــــن اقـوالـهــم صـقّـهــا
لــهــا فــــي فــــؤادي حـشـمــه وقـيــمــه وتـقــديــر=وصـــوره عـلــى اجـــداره فـــي عـرقــه معـلّـقـهـا
أنـــا مـيّــت فـيـهـا ومـــا صــــار شــــي يـصـيــر=ابــ/ امـــــوت عـاشـقـهــا وانـــــا حـــــيّ عـاشـقـهــا
لــو الـسـارق ايمـيـنـه ماتـقـطـع قـطــع تـعـزيـر=لا اســيّــر عــلــى ابــوهــا بـحـيــلات واسـرقـهــا
وتــســتـــاهـــل الـــفـــلّــــه وشـــغّـــالــــه وشـــوفــــيــــر=وتـــــأمـــــر وتـــنـــهــــى خــادمــتـــهـــا وســايـــقـــهـــا
مـلـيـحــة جـــمـــال وحـــلـــوة لـــســـان فـالـتـعـبـيـر=لــــيــــا ســولـــفـــت كــــــــل الـــســـوالـــف تــرقــقــهـــا
وأقـــول الـسـوالـف مـنــك يـبـغـى لـهــا تـكـريــر=ابـا اشــوف بـعـض احروفـهـا كـيـف تنطقـهـا
وتضحك وبيض اسنونها بالوصوف تحير=مـــــثـــــل غـــيـــمــــةٍ تـــــــــــردم ولا لاح بـــارقــــهــــا
ووجـــهٍ بـشــوشٍ مـــا رأى الــحــزن والتـكـشـيـر=ضـيــاء صـبــحٍ أبــلــج ظـلـمــة الـلـيــل يفـلـقـهـا
وخــصـــر امـتـمـايــل جــايـــع وادئـــــرٍ تـــدويـــر=مــثـــل عـظّـمـهــا مـــــن كـفّــهــا لـــيـــن مـرفـقــهــا
ولـــو انّـهــا تـجـلـس مـاتـفـرق جـلــوس الـغـيـر=ولـــــن وقـــفّـــت عــــــن غــيــرهــا بــــــان فــارقــهــا
ومــنــهــا يـــفـــوح الــعــطــر والـــــــورد والــنــوّيـــر=عـلـى ويــش يالـلـي عـــودة الـطـيـب تحـرقـهـا
بــعــد شــابــت الأحــــلام مــــا جـالـهــا تـفـسـيــر=وروحــــــي ذبــحــهــا الـــهـــم والــبــعــد وارهــقــهــا
عليـهـا الـذنــوب اكـبــار والـذنــب لـــه تكـفـيـر=لـيــا عـــادت ونـفـســي مــــن الـسـجــن تعـتـقـهـا




وسلامتكم ،،

لاهنت يبن منير

صح لسانك

ودي واحترامي

وتضحك وبيض اسنونها بالوصوف تحير
اسنونها بيض اكيد سودانيه هههههه امزح امزح

عزاه

هذا الهوي ماهو غرامن صناعي

قصيده طيبه من رجال طيب

اعتقد انها قصيده من القلب وليست من الخيال

عزالله انها جزله

صح السانك ياجزل

ننتظر جديدك

جميل جدا ياجمال هذا الشعر
أكيد
تستاهل الفله والشغاله والشوفير
بما أنها أصدرت أمرها على الشاعريه بنظم هالمعزوفه الجميله
صح لسانك
تحياتي

لو السارق ايمينه ماتقطع قطـع تعزيـر
لا اسيّر على ابوها بحيـلات واسرقهـا

الله عليك يا ابن منير !

كيف تبي تسرقها ؟

أضم صوتي لمن سبقني .. وأجزم بأنها قصيدة خرجت من رحم المعاناة ...

قصيدة .. تُجبر أي متذوق على قراءتها مرتين وأكثر ..

وأستميحك عُذرا في نسخها ونقلها باسمك .. في منتدى آخر من منتديات قبيلتنا عتيبة ,

شكراااا شكرااا يا جمال قلم جميل وكتابة مبدعة سراحة اعجز عن التعبير واعجز عن التعليق شكرااا

ياسلام

مبدع ياجمال كما عهدناك دائما لاهنت

صح لسانك

تحياتي

صــــح لـســانـكـ