« آخـــر الـــمـــشـــاركــــات »
:: أبوي (آخر رد :ياسر محمد العتيبي) :: قصيدة (آخر رد :ابو طارق الشمري) :: قصة محري بن قطران مع خدام المرحوم الملك عبدالعزيز القصه الحقيقيه (آخر رد :الفانتوم) :: قبيلة المحاقنة (آخر رد :متعب الوحيدب) :: قبيلة المحاقنة (آخر رد :متعب الوحيدب) :: رواية معركة إشريفة التاريخية بين قبيلة بني رشيد وعنزة (آخر رد :حفيد رشيد) :: رحلة الألم (آخر رد :ياسر محمد العتيبي) :: سهيله (آخر رد :ياسر محمد العتيبي) :: المواهب من الله (آخر رد :ياسر محمد العتيبي) :: راحتي (آخر رد :ياسر محمد العتيبي)

الرئيسية « شعراء قبيلة عتيبة « حـنـا {{عتيبه}} وإنـشـد الـكـل عـنـا..

حـنـا {{عتيبه}} وإنـشـد الـكـل عـنـا..

البن الأشقر26-Nov-2005, 09:40 AM

السلام عليكم ورحمة الله وبركاته
انا ضيف جديد عالمنتدى الرائع هذا بغيتكم ترحبون فيني بس عيا قسم الترحيب يقبلني !!
الظاهر انه زعلان مني بس يبشر احطله معدال عند المشرف العام ..
عموما هذي قصيده قريتها في احد المنتديات واعجبتني وقلت انقلها لكم على الله تعجبكم...للشاعر جابر هايف العتيبي...

يانـاس حـنا مـن ضـنا نجـد عـتـبان******يشهـد لنا التـاريخ لوقـلت حـنا

حنا فياض وإن قسى الوقت ضلعان******حنا البحر مدام هالأرض مـنا

حـنا الـرعــد...حـنا زلازل وبـركـان******حـنا دمــار الكـون لوقـيل عـنا

حنا شعاع الشمس والليل خسـران******حـنا الليـالي لاأقـبـلـن ماوطـنا

حـنا غـديـر يعــشـقـه كـل ضـمـيـان******حـنا غــرام والـعـذارى هــونا

حنا الكـرم والطـيب شـايب وشـبان******حنا{{عتيبه}}من لنا المجد غنا

حـنا ســيـــووف هـابـنا كـل خـوان******حـنا الـسـنين الماضيه من بـكنا

حنا السماء لاصار بالأرض نقصان******بعـد الـولي هالكـون منا وإلـنا

حـنا هـنا واعـرف بلا كـان ماكـان******حـنا هـنا...وهـنـاك...كـنـا وإنــا

حـنا وحـنا لـوبغى الـقـول بـرهـان******الـمـجـد...والعـزه...سوى إكـتبنا

شاعر وجيت من الفخر حيل طربان******دام الـطـروق اللي تـغـنا لـحـنا

حـنا قصـيده شـامخه تحت عـنـوان******حنا {{عتيبه}} وإنشد الكل عـنا

وسلامتكم...

فيلسوف عتيبة26-Nov-2005, 10:26 AM

أثاريك بكرتونك زي|165|

فيلسوف عتيبة26-Nov-2005, 10:27 AM

أثاريك بكرتونك زي|165|
ياهلا ومرحبا فيك أخوي وحياك الله
صح لسانك ولسان جابر

البن الأشقر26-Nov-2005, 10:42 AM

الله يبقيكـ يالغالي

ابشرك انا الشطرطون على كرتوني ازروا يفكوونه|194|

مشكوووور يالغالي عالحضور

ابـن نـعـيـس26-Nov-2005, 03:53 PM

ياهـــــــــلا ومرحـــــــــــبـــــــــا

الله يحيييكم بين اخوانكم وربعكم

وصح لسانك يالبن الاشقر ولسان جابر

تحياااااااااااااااتي

النـــاصح26-Nov-2005, 06:05 PM

وعليكم السلام ورحمة الله وبركاته

حياك الله اخو ي البن الاشقر . . .
وسعداء بانظماك الى صرح من صروح العز والشموخ
بين اخوانك وابناء عمومتك

لكن يالغالي هذه القصيده للشاعر نايف صقـــر
وسمعهتا شخصيا بصوت الشاعر نايف صقر وقال انها له

ما ادري اذا صحيح والا . .

((الدلبحي))26-Nov-2005, 08:29 PM

عتيبي 200526-Nov-2005, 08:32 PM

حياكم الله والفين مرحبا يا البن الاشقر انت وخويك فيلسوف عتيبه.
وشرفتونا في منتدى عتيبه -الهيلا...
وانشالله تستفيدون وتفيدون

مع تحيات عتيبي 2005

الــوآفــي26-Nov-2005, 10:15 PM

شكرا لك يا البن الاشقر

وصح لسان الشاعر جابر هائف

الاخ الخطاب

القصيده للشاعر جابر هائف وقد نسبت لغازي بن عون ولعبدالله بن عون وهاهي تنسب لنائف صقر

ولكن الحقيقه انها للشاعر جابر هائف العتيبي وموجوده في ديوانه الصوتي الموجود في الاسواق

وهو من سكان الكويت

اخووووك

فيصل المسعودي27-Nov-2005, 12:26 AM

مرحبابك ياالبن الاشقر

وصح لسان جابر بن هايف

تحياتي ياغالي

مرجح الموازين27-Nov-2005, 06:06 PM

هذي حقت نايف صقر الدلبحي

البن الأشقر28-Nov-2005, 08:44 AM

الجمييييييييع مشكورين عالرد والتفاعل وعلوم القبيله والمرجله<<<<<<<<وش تبا انت |197|

والله احرجتوني بكلامكم احس اني صرت ابوكم ههههههههههههههههههه

ترى انا لقيت القصيده وحطيتها بالنص وماافتيكم هي لمين اساسا

وتحياتي للجميع واسف على تاخير الرد

النـــاصح28-Nov-2005, 05:16 PM

ترى انا لقيت القصيده وحطيتها بالنص وماافتيكم هي لمين اساسا

وتحياتي للجميع واسف على تاخير الرد

مشكور اخوي البن الاشقر على التوضيح

وارجوا من الاخ ذيبان التاكد من صحة معلوماته
فالشاعر الكبير نايف صقــــــــر لم يكذب عندما نسبها اليه

كما اشكر اخوي مرجح الموازين على الافاده

خالص الشكر للجميع