الشاعر المتمكن يقرب
راعي الشلفا09-Dec-2007, 06:50 PM
سلام تسليم الوفى يوم الوفى ماله مكان=ألا مع رجالٍ تمد الاوله للاوله
هذا زمن الكذب والترفيع وأقمح يازمان=حتى حصاة أرزاح لو تدري ماجات محوله
خوي السعد09-Dec-2007, 07:32 PM
ياللي تسلم مرحبا ترحيب من قلب ولسان = واحسب حسابك للمسافه والعلوم امطوله
هذا زمان (ن) فيه خير وفيه خوف وفيه امان = لكن يالله لاتعين العالم المتسوله
راعي الشلفا09-Dec-2007, 08:00 PM
أشره على الي لا وقف ماهوب يضمنها ضمان=ماراح يتجول سوات العالم المتجوله
هذا زمانٍ من بغاله عشر مايضمن ثمان=والناس ماتقدر على حاجه لكن امهوله
خوي السعد09-Dec-2007, 08:15 PM
صح لسانك\استلم
اللي مايحفظ ماقفه ودك تكزه بالسنان = كلمه نقدمها ولكن من قديم امقوله
الرجل مايشكي من الدنيا وباذن الله معان = يعينه الله لو حموله فالجنوب امتوله
راعي الشلفا09-Dec-2007, 08:32 PM
عدونا دايم نكزه من على ضهر الحصان=والصاحب الوافي ليا ضاقت علاه انموله
بنذوقك بن اليمن والدله أم الزعفران =والي يسوي لك فناجيل المعزه سوله
خوي السعد09-Dec-2007, 08:43 PM
ياطيبكم ياربعنا يا اهل السنان مع العنان = لكن حنا اللي يعادينا نقوم انغوله
دلتك مشروبه ياراع الكيف دوب الكيف زان = حيثك كريم وحولك اجموع الرجال امظوله
نواف العصيمي09-Dec-2007, 08:48 PM
الله الله
..
صح لسانكم
متابع .
ولكم التقديرو الإحترام
خوي السعد09-Dec-2007, 08:52 PM
تسلم يانواف ومتابعتك تشرفنا
مرزوق حمدان العتيبي09-Dec-2007, 08:57 PM
عدونا دايم نكزه من على ضهر الحصان
والصاحب الوافي ليا ضاقت علاه انموله
بنذوقك بن اليمن والدله أم الزعفـران
والي يسوي لك فناجيل المعـزه سولـه
...
.
الله عليك يابعيد الدار مبدع كماعهدتك
نورت والحمدلله على السلامه ..
..
ياطيبكم ياربعنا يا اهل السنان مـع العنـان
لكـن حنـا اللـي يعادينـا نقـوم انغولـه
دلتك مشروبه ياراع الكيف دوب الكيف زان
حيثك كريم وحولك اجموع الرجال امظولـه
الله عليك ياخوي السعد
نورت القسم وعوده عزيزه على قلوبنا
هلابك..
واصلوا
....
خوي السعد09-Dec-2007, 08:59 PM
تسلم يابو محمد وهذا من طيبك
وحنا لاجتنا الفرصه مانفرط فيها ونتواصل معكم
راعي الشلفا09-Dec-2007, 09:03 PM
لكـن حنـا اللـي يعادينـا نقـوم انغولـه:)
اكرب حزامك واكثر الريجيل مايرضى الهوان=واليا رضى بالهون بالله عن حصانه حوله
لو تصلح النيه يزين اللعب مابين الخوان=معناك مثل السيف واهل الشعر سهل أتؤله
راعي الشلفا09-Dec-2007, 09:06 PM
صح بدنك يامرزوق
والله يسلمك من كل شر
خوي السعد09-Dec-2007, 09:25 PM
كارب حزامي ياوريث المجد في عسر وليان = يوم ان بعض الناس للعليا ماهيب امخوله
لاطابت النيه ترى اضمن لك نجاح المهرجان = ياشاعر (ن) علاه ربعه بالنجاح امعوله
بعيد الدار احب اقول انك شاعر ترفع الراس وتنومس
صح لسانك واستاذنك خروج وعوده الله اعلم متى
لكن بيض الله وجهك وسامحنا على التقصير.
راعي الشلفا09-Dec-2007, 09:27 PM
خوي السعد ماعليك زود
وهذا من طيبك ولاحصل منك قصور
مرزوق حمدان العتيبي09-Dec-2007, 09:34 PM
..
.
بكل امانه انكم مبدعين وجزلين ياثنين
والمشكله انكم متفقين على الغياب لفترات طويله
ومن ثم العوده بالابداع والامتاع ...
طابت ليلتكم ياشعار ... وجعل الله ايامكم كلها افراح ..
...
وسنظل في انتظار ابداع اخر .....
اخوكمـــ ....
عيد العازمي09-Dec-2007, 09:57 PM
اي والله مبدعين كلكم
بعيد الدار وخوي السعد لاهنتو
معجب العتيبي09-Dec-2007, 10:11 PM
بصراحه مادري كيف فاتنا حظور هالطاروق المميز
عالعموم مشكورين على الابداع
بس السؤال وينكم منذو مبطي؟
اخر تسجيل؟
راس النايف09-Dec-2007, 11:42 PM
بعيد الدار & وخوي السعد
صحت السنتكم
مبدعين والله
ليل الحافي10-Dec-2007, 12:12 AM
الله الله
..
صح لسانكم
متابع
محب الهيلا10-Dec-2007, 03:01 AM
رعد الروقي10-Dec-2007, 11:45 PM
ليل الحافي12-Dec-2007, 02:56 PM
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
