الطارف سداد؟؟؟؟؟؟

من هجوسٍ تفوح بزاكيات العطور=والبيوت الجزيلة يندرج دولها

بين شاعر لحون وبين شاعر شعور=يختلف مارث القلطة ومدلولها

كل هاجس يعبر عنه بين السطور=حي والله هجوسٍ صادقٍ قولها
سرها يابن حلحل والمحالة تدور=بين جمٍ قراح وبين حثلولها

مرحبا والمعرّف عرّفه بالمرور=والعرب ما تمّيز غير بفعولها

فرق بين الحنادي فرق بين الصقور=كل سابق يداها تسبق رجولها

طافت الاولة والثانية لاتبور=والفعايل تقيس عند ماسولها
دام تعرف فروق الشكل بين الطيور=هد حرٍ يقالب فالسماء جولها

يا غريب المدينة بين ضيم وجور=عرّفوك العرب وألا أنت مجهولها

ماقعي بين خطلان اليدين امخبور=والبلا بالغريب اللي مع ثعولها

الله الله



باداع


الحلحلي ,,,,,,,,الشيش



لكم كل الشكر


وصحت السنتكم لا هنتوو طاروق جميل جدا ومعاني تدل على شاعرية كلا الشاعرين


يعطيكم العافية

الغريب الذي مالها مع الناس شور=وان رماله رمية وقعت حولها
ماقعك ياعميلي بين حنجر وزور=لانت حاكم بلاد ولانت مرسولها

الله لايهينك ياسعد على تشريفك للطاروق

ليه يا صاحبي تنبش عن أصل الشرور=الجبال وحصاها ضدّت وعولها


الجنايز كرامتها بطون القبور=والعلوم الكثيرة جاك مجمولها

شرفتنا يا السميري



.الحلحلي.

الشيش طاروق ممتع قضيته معك

شاعر مبدع

لك مودتي


أخوك

.الحلحلي.

الممتع مجاراتك والابداع في تصخيرك للابيات ولنا لقاء ان شاء الله

صحت الالسن

والله يسعدكم محاورة راائعه

في انتظار القادم