اه وقلبي

هذه قصيده اوجها الى ولدي عبدالرحمن عمره ثلاث سنوات

اتمني ان تنال على اعجابكم






اه وقلبي مـن الهـم لـه حنـه=حن موتر وقدو له علـى الثانـي
يادحيـم غبـر الايــام غلـنـه=واسرفن به لين صابحت مرضاني
غربلـنـه يادحـيـم وهـدنــه=واتعبنـه يابعـد كـل حيـانـي
اشرب التنباك فالصـدر واكنـه=والخلايق تحسب فهيد ضرمانـي
عن عيون الناس اكتم على الونـه=مايجيك الزول ياكـود شمتانـي
اطلب الله والعوض منه بالجنـه=في كرم ربي تري اليوم طمعاني
مسلمٍ والحمـد لله علـى السنـه=لاني بشيعي ولانـي بنصرانـي

اخوي صح لسانك
وبيض الله وجهك
والله يخليلك عبدالرحمن ويصلحه
اخوك هلال العتيبي

هلال العتيبي صح بدنك يالغالي



اشكر مرورك الكريم


تحيتي

ذكرتني باحدى هجينيات الدجيما

ياحن قلبي حنين بيوك ... لاعشقوا له على الثاني



الف شكر يالغالي والله يحفظ عبدالرحمن ويصلحه

محبك

.,

اشرب التنباك فالصـدر واكنـه
والخلايق تحسب فهيد ضرمانـي
عن عيون الناس اكتم على الونـه
مايجيك الزول ياكـود شمتانـي
..

صح لسانكـ يابو عبد الرحمن
.. والله يكفيك شر الدخان .. وينقذك منه ...
مودتي
...

ذكرتني باحدى هجينيات الدجيما

ياحن قلبي حنين بيوك ... لاعشقوا له على الثاني



الف شكر يالغالي والله يحفظ عبدالرحمن ويصلحه

محبك

.,



عبدالله الجذع شاكر مرورك يالغالي


لاهنت