صباح الخير وقت الصباح
زبن الجعفري العنزي05-Aug-2009, 02:55 AM
بالمبتدى ياصباح الخير وقت الصباح= من شاعر ٍعارف ٍ ميراده ومصدره
البحر مالح لكن النهر عذب ٍ قراح= والبحر يامكبره والنهر يامصغره
عطاوي05-Aug-2009, 05:12 AM
الله يصبحك بالطيب وعلم ٍ سماح
ياماشين في طريق ٍماعتقد يقدره
النهر كل ٍ يجيه ويشربه ثم راح
والبحر موجه لياجاه الغشيم اغمره
زبن الجعفري العنزي05-Aug-2009, 07:44 PM
مافيه طير ٍ يطير الا بريش وجناح= ترى الطريق اوله ماهو بمثل اخره
ان كانها جات للشرب ومجيّ ومراح=جينا عتيبه لعل ديارها عامره
عطاوي06-Aug-2009, 12:56 AM
المشكله في الجناح وفي ونزيف الجراح
ون جات رفة جناحك جات متأخره
انته تصنف وصنفنا بصح وصحاح
وانجيتنا احسب حسابك للجبل ووعره
الحوووووت06-Aug-2009, 12:58 AM
الله الله الله صحت الالسن والقلوووووووب
زبن الجعفري العنزي06-Aug-2009, 06:28 AM
المشكله فالهنوف وفي عقود النكاح= ياللي تبيها لحالك ماحدن يخاشره
الشعر مايحتكر والحرب يبغى سلاح= ليتك تقلل كلامك معي ماتكثره
زبن الجعفري العنزي06-Aug-2009, 06:29 AM
عطاوي06-Aug-2009, 06:54 AM
انته تنادي هنوفك بس خلف السناح
والهاجس اللي بدالك منك تستنكره
الشعر منا وفينا وانت تنضح نضاح
بيت ٍ تجيبه قصير وبيت تستاجره
زبن الجعفري العنزي06-Aug-2009, 08:14 AM
اثرك من اللي يردون الصياح بصياح= ضاقت عليك الدروب وضاقت الحنجره
عدوى الخنازير لاقوا له علاج ولقاح= لكن عله عتيبة علة مسيطره
عطاوي06-Aug-2009, 09:05 AM
مانلتفت في صياحك ياقليل الفلاح
ورجلك على باب دارك دايم مسمره
صح العتيبي على الويلان سم ٍ ذحاح
علله لياجا العنوز اتحدر امدمره
أنا الود06-Aug-2009, 10:49 AM
زبن الجعفري العنزي06-Aug-2009, 11:43 AM
حنا هل الفعل وانته ماحصل لك نجاح= ليتك تشوف الجنايز داخل المقبره
من بعد هبت لصاحبنا هبوب الرياح= برد وجو البراد يناسب الثرثره
زبن الجعفري العنزي06-Aug-2009, 11:44 AM
عطاوي06-Aug-2009, 03:45 PM
يالوايلي لا توهم بالفعل والكفاح
علمك بليا دلايل ماجنيت اثمره
حنا كلام ٍ نقوله نثبته برتياح
وانتم حججكم صناعة راعي المنجره
صاهود06-Aug-2009, 04:03 PM
[quote=عطاوي;898407]
يالوايلي لا توهم بالفعل والكفاح
علمك بليا دلايل ماجنيت اثمره
حنا كلام ٍ نقوله نثبته برتياح
وانتم حججكم صناعة راعي المنجره[/quote
هههههههههههههههههههههه
صح السانك يالعطاوي
زبن الجعفري العنزي06-Aug-2009, 05:56 PM
انته صغير وتحسب الجد مثل المزاح=ترى صغير العمر مهما حصل نعذره
لو ان عتيبه عطوك وسام والا وشاح= ثقافتك كلها فنجاره وسمكره
صح لسانك ياعطاوي والى لقا اخر
زبن الجعفري العنزي06-Aug-2009, 05:57 PM
ذيب عروا
الحمد لله على السلامه
شرفنا مرورك وجعل ضحكتك دايمه
تحياتي
صاهود06-Aug-2009, 06:03 PM
ذيب عروا
الحمد لله على السلامه
شرفنا مرورك وجعل ضحكتك دايم
تحياتي
اللة يسلمك ويبقيك
وعلينا وعليك انشاء اللة
عطاوي06-Aug-2009, 08:28 PM
انته مع الدرب مثل اللي تعركش وطاح
تعجز خطاه القصيره عنه ما تعبره
وانا صغير ٍ بسني بس عقلي رجاح
ماني بمثلك بضهرك تنغرز خنجره
صح لسانك يابن وايل وإلى لقاء اخر ان شاء الله
وسامحنا على مابدر منا :تحياتي للجميع
رفيع المنزل07-Aug-2009, 01:40 PM
حنا هل الفعل وانته ماحصل لك نجاح= ليتك تشوف الجنايز داخل المقبره
من بعد هبت لصاحبنا هبوب الرياح= برد وجو البراد يناسب الثرثره
صح لسانك ياراع الجدعا ابدعت ابدعت
ولايهون العطاوي شاعر مبدع
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
