09-Sep-2009, 05:50 AM
السلام عليكم ورحمة الله وبركاته
ارجوا من الأخوه الشعار ان يقيموا قصيدتي هذه من كل النواحي وارغب في نقدكم البناء
ارفعك يا ثوبي عن اللـي يشنيـك=واربطك فحزامي عن رخوم تشنـاك
لا صينت اطرافك تبيـض بواقيـك=وان سلمت اطرافك ترا العيب عداك
لا تلامس الجربان وابعد لا يعديـك=وان ناشك المقروح امرضك واعداك
اشمر عن اللي لونها فيـه تشكيـك=ما ينقلب حالك ولا صرت شكـاك
بعض العرب وده بشـره يوطيـك=واحذر من اللي ضحكته كان وطاك
دور على اللي وان حصل شق يرفيك=لا شاف خملاتك يلمـك ويرفـاك
ما هو كما اللي بالقفى يفتري فيـك=مثل المقص لسانـه اللـي تقفـاك
لونك يشادي للبـن فـي غداريـك=ابيض ولا همك ظلامـك وغـدراك
وان حاول الحساد طمسة مواريـك=تحت التراب ابقى كما نبتـة الـراك
اغصانها اللي باينه مـي مساويـك=واليا بحثت العرق تطلـع بمسـواك
يا ثوبي المصيـون تكفـا حذاريـك=لا يلطخك طين المراغـه وحـذراك
صنتك بدمي عن شماتـة عدويـك=بالله لا تقـارب خسيـس تعـدواك
انت البحر والخوف يمـة موانيـك=لا يرسي فـي المينـا عـدو تنـواك
اكمامك اللي فضلها فوق اياديـك=تحميك من حر اللواهـب وتاقـاك
صفق الهوأ في اطرافك البيض يآذيك=مير احتمل جهلـة سفيـه تـوذاك
يا ثوبي اسمع جابتي يـوم احاكيـك=وافطن لنصح اللي تهمـه وحاكـاك
نصح الذي شاف الثياب المداهيـك=من بعد زينتها بهـا دهـك وانهـاك
من بعد ثوبي يـا لسانـي اناديـك=جاوب على صوت الفتى يوم نـاداك
لا تبـرم الجابـه وكلمـه ترديـك=كم من جواب في المهاليـك ارداك
بعض الكلام يزيد رفعـة معاليـك=واشكل كلامـك للشرابيـك وداك
قول الصواب من المراجـل يدنيـك=قول الخطا ابعدك عنهـا واقصـاك
قول الصحيح وحفظ ربي يذريـك=لا تخاف والله من بلى الناس يـدراك
من بعدها يا عين تكثـر بلاويـك =ان ما قصرتي الشوف يا كبر بلـواك
بين الرموش السود بانت مغازيـك =لا لد طرفك بان امـرك ومغـزاك
غضي بنظراتك عن امرا ما يعنيـك =لا تكثرين اللـد واصـون يبـراك
نظرة حرام تغز طرفـك وتعميـك =لا عاد شوفك كان ربي هو اعمـاك
واوصيك يا ساقي واوصي خطاويك =درب الخطا محفوف مرصوف بأشواك
درب الزلل جمـر ونـاره تكويـك =ما يطفي الما كيتـه كـان كـواك
الله يـا ساقـي يسهـل مماشيـك =بدروب خير يا عسى الخير ممشـاك
يا نيـه!الله مطلـع فـي خوافيـك =ما نعلم اسرارك وربي هـو اخفـاك
دسك مريض القلب من دون يبديك =وسط الضلوع وقال غيرك ولا ابداك
نية خزى لا فـاز منهـو يخاويـك =يضحك بوجهك وان تقفاك عضـاك
تمت وذكر الله من الشـر ينجيـك =ثم الصلاه اللي بها تطيـب دنيـاك
ارجوا من الأخوه الشعار ان يقيموا قصيدتي هذه من كل النواحي وارغب في نقدكم البناء
ارفعك يا ثوبي عن اللـي يشنيـك=واربطك فحزامي عن رخوم تشنـاك
لا صينت اطرافك تبيـض بواقيـك=وان سلمت اطرافك ترا العيب عداك
لا تلامس الجربان وابعد لا يعديـك=وان ناشك المقروح امرضك واعداك
اشمر عن اللي لونها فيـه تشكيـك=ما ينقلب حالك ولا صرت شكـاك
بعض العرب وده بشـره يوطيـك=واحذر من اللي ضحكته كان وطاك
دور على اللي وان حصل شق يرفيك=لا شاف خملاتك يلمـك ويرفـاك
ما هو كما اللي بالقفى يفتري فيـك=مثل المقص لسانـه اللـي تقفـاك
لونك يشادي للبـن فـي غداريـك=ابيض ولا همك ظلامـك وغـدراك
وان حاول الحساد طمسة مواريـك=تحت التراب ابقى كما نبتـة الـراك
اغصانها اللي باينه مـي مساويـك=واليا بحثت العرق تطلـع بمسـواك
يا ثوبي المصيـون تكفـا حذاريـك=لا يلطخك طين المراغـه وحـذراك
صنتك بدمي عن شماتـة عدويـك=بالله لا تقـارب خسيـس تعـدواك
انت البحر والخوف يمـة موانيـك=لا يرسي فـي المينـا عـدو تنـواك
اكمامك اللي فضلها فوق اياديـك=تحميك من حر اللواهـب وتاقـاك
صفق الهوأ في اطرافك البيض يآذيك=مير احتمل جهلـة سفيـه تـوذاك
يا ثوبي اسمع جابتي يـوم احاكيـك=وافطن لنصح اللي تهمـه وحاكـاك
نصح الذي شاف الثياب المداهيـك=من بعد زينتها بهـا دهـك وانهـاك
من بعد ثوبي يـا لسانـي اناديـك=جاوب على صوت الفتى يوم نـاداك
لا تبـرم الجابـه وكلمـه ترديـك=كم من جواب في المهاليـك ارداك
بعض الكلام يزيد رفعـة معاليـك=واشكل كلامـك للشرابيـك وداك
قول الصواب من المراجـل يدنيـك=قول الخطا ابعدك عنهـا واقصـاك
قول الصحيح وحفظ ربي يذريـك=لا تخاف والله من بلى الناس يـدراك
من بعدها يا عين تكثـر بلاويـك =ان ما قصرتي الشوف يا كبر بلـواك
بين الرموش السود بانت مغازيـك =لا لد طرفك بان امـرك ومغـزاك
غضي بنظراتك عن امرا ما يعنيـك =لا تكثرين اللـد واصـون يبـراك
نظرة حرام تغز طرفـك وتعميـك =لا عاد شوفك كان ربي هو اعمـاك
واوصيك يا ساقي واوصي خطاويك =درب الخطا محفوف مرصوف بأشواك
درب الزلل جمـر ونـاره تكويـك =ما يطفي الما كيتـه كـان كـواك
الله يـا ساقـي يسهـل مماشيـك =بدروب خير يا عسى الخير ممشـاك
يا نيـه!الله مطلـع فـي خوافيـك =ما نعلم اسرارك وربي هـو اخفـاك
دسك مريض القلب من دون يبديك =وسط الضلوع وقال غيرك ولا ابداك
نية خزى لا فـاز منهـو يخاويـك =يضحك بوجهك وان تقفاك عضـاك
تمت وذكر الله من الشـر ينجيـك =ثم الصلاه اللي بها تطيـب دنيـاك
