سلطان بن دحيم ....اذا وقتك يسمح

مبروك ياسلطان عيدك والعيادي عايده = عليك وانت بخير وربوعك عتيبة كلها
لكن كبيرين العمايم ماوراهم فايده =مهما تبي تحسن لهم تبقى الكبود بغلها

صح اللسانك يا رفيع و اللسان قبيلك

السنحاني صح بدنك

عيدك مبارك واللذي عايد لزوم نعايده = لعل كل ايامكم عيد وفرح لعلها
انته غفلت وصار وقتك بين نوم ومايده = وانته تشوف البرق فالمزنه ولا تفطن لها

السنحاني صح بدنك

الفرق من بيني ومن بينك دروبه نايده = انا بطوعي وانت غير تجيبها في حلها
والله ياراع الكيد ياسلطان غير اكايده = لكنّ من طيبي ليا شفت العيوب ازلها

ما بان وسم بعيرك اللي يا بن وايل قايده = خل الجمال الغفل بالله يا صحيبي خلها
انته كفو لكن انا اشوف المشاكل الزايده = ويا كثر ناس(ن) قامت دموع العيون تهلها

ترى المطية فالسفر تبغى سنع ومحايده = ياللي تبي تعقد عقود ٍ مايعسر حلها
انته تقوله والرخا والامن حاجه سايده = لاشك رح لاهل الفساد المخربين وقلها

اقول من صادك تبى تبطي ولا انت بصايده = لكن ما ناكبك غيري والحموله شلها
يا شاعر المعنى لا تلبس لك ثياب(ن) بايده = يا راعي الالغاز وش علمك تبين حلها

مانت بمحصل من ورى كلمتك ناس ٍ شايده = من قدمها كل المسامع يالعميل تملها
لو كنت تنظر في عطا يمنك وشهي جايده = ماعاملتك الناس غير بمثل ماتعملها

تسجيل حضور .. صحت الألسن .. :)

وطيت لك جمر(ن) حمر لو كان ما انت برايده = هذا جزا من سار فدروب(ن) ما هوب يدلها
صاحبك اله خبره ولا تصعب عليه الكايده = حط المعاديل ويبين دقاقها من جلها

مرجح الميزان

حصورك مكسب طال عمرك

لاهنت

تبقى الجبال الثابته فالارض ماهي مايده = لو الهوى حاول يحرك صخرة ٍفي ظلها
القاع ممحل مار انا طعت العسوس الرايده = وغرست غرسه فالمحل عيا السحاب يبلها

مرجح الميزان

صح بدنك ومتابعتك شرف

سلطان تأكيل الخصم جمر(ن) حمر عوايده = صرف على كيفك وكبدك ما يبرد غلها
اللي يحاول يكسي العربان من قلايده = ما يدري ان قلادته ملكه وهو ملك لها

الختاااااااااااااااااااااام عندك

لاهنت

وصح لسانك

تصبح على خير

خلاص ابا اشهد لك ومثلي تنقبل شهايده = انته من ابداعك ترى خصمك معاك يفلها
اللي قديماته تحت ماترتفع جدايده = ياللي شرد فكرك عن الفكره عسى افد ًلها

الله لايهينك ياسلطان

وصح لسانك وبدنك


وليت الختام عندك


وانت من اهل الخير

ابدعتوا ولا هنتو وصح السنتكم على هالابداع


صحيح ان محدن معه خبره عليكم زايده
ومحدن يزود عقولكم في دقها وفي جلها

حتى في كيد النساء انتم فوق الكايده

وان مافهمتو مقصدي روحوا دورو حلها



تقبلوا مروري