... الوزن الثقيل يقرب ....
ابن شلواح14-Aug-2010, 08:43 PM
كل عام وانتم بخير .... والشهر عليكم مبروك ....
اقربوااا ياشعااار
سلام رديدة فضيله جات فالشهر الفضيل=في منتدى ربع تحلت بالفضايل كلها
العام جوف المنتدى نلعب على الوزن الثقيل = واليوم ياعل النشاما ماتغير حلها
ابراهيم الجـــــذع14-Aug-2010, 08:53 PM
وأنت بخير وصحه وسلامه
يا مرحبا ترحيب وافي عد همال المخيل=في منتدى الهيلا هل الطالات دله دلها
العام بالصاعين اكيل اليا لقيت اللي يكيل=واليوم من فوقك مرابيع النجوم انهلها
محمد العتيبي14-Aug-2010, 08:58 PM
ابن شلواااااح مرحباااا مليااااار ملياااار في مليااااار
مبارك عليك الشهر .. ومبارك علينا حضور ذالليل ..
صح لساااانك مدد ياستاذ
ولا تحتاج الوصاه طواريقك وبيوتك لها رونقها الخاص واثرها الدائم ..
ابراهيم الجذع
صح لسااانك على الرد الرائع ..
تحيتي لكم جميع ومتابع
..
ابراهيم الجـــــذع14-Aug-2010, 09:01 PM
هلا وغلا أخوي محمد
صح بدنك
يشرفنا حضورك ومتابعتك يا الغالي
أبو مرحبا14-Aug-2010, 09:02 PM
كل عام وانت بخير ومبارك عليك الشهر ياابن شلواح ومن يقراء كلامي
صح السانكم ياشعاااار
واااااصلووووو متاااابعين
ابراهيم الجـــــذع14-Aug-2010, 09:10 PM
هلا وغلا ابو مرحبا
صح بدنك
يشرفنا حضورك ومتابعتك يا الغالي
ابن شلواح14-Aug-2010, 09:13 PM
مرحبابك ........
الليل ياراع الكحيله شوق ابو طرف(ن) كحيل=اكرب حزامك والعلوم اللي تكودك خلها
انا ليا شفت البروق ادعي عسى الوادي يسيل = حتى النبات يزين والشجره يضلل ضلها
ابن شلواح14-Aug-2010, 09:16 PM
ابن شلواااااح مرحباااا مليااااار ملياااار في مليااااار
مبارك عليك الشهر .. ومبارك علينا حضور ذالليل ..
صح لساااانك مدد ياستاذ
ولا تحتاج الوصاه طواريقك وبيوتك لها رونقها الخاص واثرها الدائم ..
ابراهيم الجذع
صح لسااانك على الرد الرائع ..
تحيتي لكم جميع ومتابع
..
البقا عدد مارحبت يالقرم .........
والشهر عليك مبروك وابرك الساعات والله الطاروق اللي خلانا نشوفك .......
ولاعليك زود يابن العم ......
ابن شلواح14-Aug-2010, 09:18 PM
ارحب يابو مرحبا وانت بخير وصحه وسلامه
ولاهنت .............
ابراهيم الجـــــذع14-Aug-2010, 09:24 PM
اليا بغيت اكرب حزامي ماش قدمي مستحيل=والناس قالوا من عقد روس الحبال يحلها
أنا عميلك يا عميل الخير ما غيري عميل=اما خذيت من العلوم اشوي والا خلها
ابن شلواح14-Aug-2010, 09:46 PM
عان الدلال اتفور وانت تلد عينك فالصميل = خل الصميل اقرب مباهير الدلال اوزلها
انا اتحرا صاحبي يردلي فعل الجميل = واثره يحد الحضرميه من زعل وايسلها
ابراهيم الجـــــذع14-Aug-2010, 09:56 PM
تبا تشيل الحمل لين الحمل من فوقك يميل=هذي تراها حملتك وابرك لها وشتلها
ما عندي الا السيف وشلفا ونلطم من يعيل=والثانيه معكم وأنا أعرف دقها من جلها
ابن شلواح14-Aug-2010, 10:11 PM
مانيب اقول الهرجه اللي مالها وقع وثميل=الله على بعض العرب لو تستريح احسن لها
اتعبتني وانا اترجا منك يالروقي حصيل = اركز لك الشاره على راس الجبل وتزلها
وسلامتكم جميع وبيض الله وجهك يا ابراهيم وانا استاذن عندي شغيلات .....
سعدت باللعب معك ......
سويلم الشيباني14-Aug-2010, 10:40 PM
اتعبتني وانا اترجا منك يالروقي حصيـل=اركز لك الشاره على راس الجبل وتزلهـا
الله الله
صح السانك يابن شلواح والسان ابراهيم الجذع
$(النفيعي)$14-Aug-2010, 10:55 PM
صح الساااااانك يابراهيم الجذع
صح الساااااانك يابن شلواح
تحياااااتي ,,,,,
