قصيدة رداُ على قصيدة بن فطيس

السلام عليكم ورحمة الله وبركاتة

مساكم الله بالخير

هذي قصيدة رداُ على قصيدة بن فطيس ( ياعيون الي من امسه ما تعشى )

العيون الي تحش القلب حشا / وصفها يامحمد ابن فطيس كايف

هي سبب همي ومنها الحال نشا / كنها ترسل على قلبي قذايف

ماهي بعندك ولا جتكم تمشا / عانها في دار مروين الرهايف

النوادر عندنا وضحا وبشا / وانتم اهل الزرق والسود العسايف

ماوصلك الا الطشيش الي يطشا / والعيون العور فرق عن الكفايف

اسمع الي قلت يامغني على الشا / في جمال الي ماسير في الطوايف

وإن مشا مع كل باباً مايدشا / ولا توظف وختلط باهل الوظايف

ولا طلع في كل قناتآ ودشا / ولا طلع بصور مجلات وصحايف

وإن هرج هرجه فصيح ولايوشا / هرجته مثل العسل بين الشفايف

وإن لمست الخد منه الدم بشا / كن فيها من بساتين المصايف

يالطيف الروح رش الكبد رشا / وقل لراع الدوحه يعلن بالنكايف

جاه قولآ في صميم القلب خشا / وأعرفه شاعر على الشعار طايف

ينتقي جزله ماقش ارداه قشا /مار من بيني وبينك بالنصايف

قولي اليا جاك منه الجلد كشا / من ملوك الجن نوع استار فايف

شاعرآ لاقام ماعظمه بهشا / صاملآ زنده ويفرح بالكلايف


الشاعر / ابو عيد