قصيدة (كلام صدق ...ياعتيبه) للشاعر عبد اللطيف الغامدي

هذه القصيده بعنوان (كلام صدق ...ياعتيبه) للشاعر عبد اللطيف الغامدي
كتبها في خويه معيض العتيبي

اتمنى ان تنال اعجابكم



عتيبي قلت ونعم الف واجحف لان فيه معيـض
شبه كل الصفـات الطيبـه فـي باقـي عتيبـه
رجال ما تعرف النقص تجهل منطق التعويـض
من اول ما تشوف الشخص تدرك وش هي الهيبه
كرم ..طيبه..شهامه ..مرجله..ما فيه شي يغيض
ولا يذكر مع اسمك يا خويـي طـاري العيبـه
كلامٍ صدق قلته مانتظـرت لقولتـه تحريـض
تحرضنـي فعولـك للكـلام الصـدق وآجيبـه
وانا من روس غامد ما طلبت من ايهم تفويـض
ومن قال ان جدي ما زعـم يـا كبـر تكذيبـه
يعرف اسمي ولكنه يعرض بالحكـي تعريـض
مثل من يعرف ان الحق حـق ويطلـب الريبـه
عسى وجهٍ تطـاول للجبـاه الساميـه للقيـض
وعسى عينه تشوف من الردى مايذخـره جيبـه
وانا اشهد لو يحط اسمك بميزان الذهب ليفيـض
ويحسدك الذهب في رجحتـك ويعـاف تذهيبـه
واشك ان الكرات اللي بدمك كل ابوهـا بيـض
عسى ربي يبيـض وجـه مثلـك وانـه يثيبـه
عطاك الله بياض الفعل والنيـه وكتـم الغيـض
يبو نوره يبو حكمه يبـو فزعـه يبـو طيبـه

صح لسان الغامدي

ونعم والله بغامد جماعة ابو الوليد الغامدي المجاهد البطل رحمه الله

تذكار هايم وين الغيبات طال عمرك ولو اني زعلان عليك
ارسلت لك رساله على الخاص مدري قريتها والا لا
تسلم يمناك على هالنقل وصح لسان عبداللطيف

أخوي ذيبان مشكور على المرور الكريم وماعليك زود وأنت من عتيبه الهيلا منبع الرجال

أخوي السري هلا وغلا فيك بس كل شي ولا زعلك يا الحبيب وأبشر بسعدك

صح السانك والسان عبد اللطيف

ويعطيك العافيه على النقل الموفق

تحياااااااااتي

وانا من روس غامد ما طلبت من ايهم تفويض
ومن قال ان جدي ما زعم يا كبر تكذيبه

انشهد انك من روس قوم وبخلاقك بيننا صرت منا وتشرفنا

صح لسانك ولسان عبد الطيف وبيض الله وجهك ووجهه
وماعلاكم زوووود ياغامد والله انكم قبيله ياوي من قبيله

اخوك:
_____طييب الخوووه

والنعم بالجميع
وصح لسان قايلها

طيب الخوووه تسلم وأنا أشهد ان اللي مثلك ينشرى ولو كان غالي وما عليك زود يالنشمي

العنزي مشكور على مرورك