قصيدة الشاعر ضاوى بن ثاعى الصفيانى رحمه الله

ياجر قلبى جرتين بلا لمس = يجره الهاجوس ماهوب مخليه
يجره الهاجوس من قبل اول أمس = وعاده بلاه اللى عن النوم يقزيه
يجره الهاجوس ويالع من القبس = قبس الفتيل اللى تقابس مواضيه
فيه الشعاع ألي كما شرقة الشمس = والنور من كثر الهواجيس غاشيه
يحرق ويبرق ويجاهد مع النفس = والنفس تحبه لو يحرقها وتغليه
من خوف لاتنسا مراقيبه الخمس = غصبن عليه كل مرقبن تبديه
متمركزا بالخمس ويحمسبها حمس = ولياشتعل ماء البحر مايطفيه
واليا تعدت حده مسها مس = وترفعت باعلي ا لجبل ماتحاكيه
من خوف لاترتاح بالمنزل القبس = وينفخ عليها من فتيلن مصفيه
ولوماتطيعه حطها دوم بالحبس = ونزل به وادئ تصافق ذواريه
ولوتشتكي للناس يخفسبها خفس = ويحرقه بناره علي عشان ترضيه

تم تنسيق القصيده



رحم الله الشاعر / ضاوي الصفياني



ولاهنت يالغالي على النقل الرائع


تحيتي
..

صـــــح لساااااااانه ملايين.


وبيض الله وجهك يالضاوي على القصيد الجزل ولاهنت.


ولاكن وانا اخوك عندي لك شرو إن كان عندك قصايد ثانيه للشاعر ضاوي الصفياني رحمة الله عليه.جمعها سواء ونزلها في ديوان هنيه فالمنتدى مع نبذه طيبه عنه.ويصير ينحط مع دواوين شعراء الهيلا.


والله يعطيك العاافيه على النقل ولاهنت ياحبيّبي.


تقبل مروري:وننتضر جديدك


أخووووووك

ابشر وأسقوم بجمع قصائده ونشرها