اللي من الجمهور ماعمره حضر يوم القصاص !!!

ماجد تعال يالغالي


ماجد لزمته ياعتيبه قبل مده ثم حاص=إيحوص وين إيحوص بالله يالمسري علمه
واللي من الجمهور ما عمره حضر يوم القصاص=يقرب وينظر فالهذيلي والعتيبي يعدمه

الله الله الفالح دائما متاَ لق ماجد الهذيلي شاعر متمكن

هذي والله الفرجه الي ماتنفات انا والله بالربع

ودي اشوف القصاص الي يقولونه وشلونه

انا اسمع عنه من الناس يقولون المقصوص يجي رجلينه تثنا

حتا لويطلقونه يقولون انحش مايقدر مامعه الايركد ويتجبر بالله

ولا يطلب العفو وما ظنيت في ساحة القصاص عفووووو

متابع السيف الاملح

أسمع أسمع يالغالي

يا الفالح أحرص فوق روحك قبل يهلك الرصاص = رصاصنا يهلك ومثلك جاينا فاتح فمه
اللي ما عمره شاف له رجّال ميت تحت باص = يحضر جنازه للعتيبي ماتت الله يرحمه

هلا بالسيف الأملح تغير الحادث

من قصاص الي دعس بالباص

المهم هي كله فرجه حلوه نتمنى لك منظرا ً سعيدا ً

تحياااااااتي

أسمع أسمع يالغالي

يا الفالح أحرص فوق روحك قبل يهلك الرصاص = رصاصنا يهلك ومثلك جاينا فاتح فمه
اللي ما عمره شاف له رجّال ميت تحت باص = يحضر جنازه للعتيبي ماتت الله يرحمه



ههههههههههههههه

واصل يا ماجد والله انك اعميته صدق

هب يا ماجد منت بسهل
ولا الفالح بعد ماهو بسهل

بس واصلوا
والله يعطيكم العافيه

الفالح دائماً مبدع وسيمه وبدايه وبيتين لا تنقض مهما كان لا هنت والله لا يحرمنا وجودك


ماجد لا هنت وشاعر متمكن ورد لا يعلى عليه وبيض الله وجهك




واصلــــــــــــووووووووووووووووووو حنا متابعينكم






أخووووووووووكم/ الحررررررررررررر الأشقررررررررررررر

خلوووووووها
انتم من الفالح تريدون السلامه والخلاص=سبحان من سلطك يالفالح على كل رخمه

ماجد بيوته بينه حنا نجيد الاختصاص=اكيد عنده واحدٍ جالس وراه ويدعمه

الله الله
وسيمه طيبه من شاعر عملاق
سلمت يالفالح

بس انت ليش بتعدمه وش الجرم اللي ارتكبه
لاتقتلو النفس اللتي حرم الله الا بالحق
ههههههههههههه
لاهنت يالفالح



الله ياماجد شكلك محقق حوادث هههههه
متاثر بالباصات
ايه نسيت اثرك من اهل مكه ومتعود على الباصات
صح لسانك ياماجد شاعر متمكن
لا هنت ونحنو متابعين

سلطتك في ربعك ولا لك عن يدي ماجد مناص = وأنا أبهم الموضوع يالفالح لكن انت أبهمه
حنا نحب السكري وأنتم تحبون الخلاص = لو هايف الفالح يفك الحبل وألا يلزمه

الشعراء..
الفـــالح & ماجـــد
الله لايهينكم على ابداعكم...
استمروا...
تحياتي

الليل وانا المسرّي الليل

حذفت الغتره والعقااااااااال
ونزلت في الميدااااان

اسر يالييييييييييييل
وين الشعااااااااااار
تعبنا من اللعب <<<<< " توه نزل ويقول تعبنا من اللعب " ههههههههههه

انت اتحت السلطه ليا جيتك يجي فيك اختباص=واعرف ترى يوم اكشف الموضوع اذنك تفهمه

حنا نحب الطيب وانتم تاكلون من الهلاص=زادك وزاد اجدادك اللي فالقدايم تلقمه

ماني تحت سلطتك يالفالح وخل الإنجعاص = كم واحد ٍ يجعص وهو في ساقة القوم قدمه
حنا نزيد الطيب طيب أنصحك كب الإنتقاص = النقص يرجع فالحقايق وأنت تعرف معجمه

اثرك سبع اشهب وبلسانك تجيد الامتصاص=مغلوث تبغا تاكل الحصني بدمه ولحمه


لا تقرب الافعى ترى الافعى سريع الارتعاص=وان كان عنك نصح ما نبغاه فالصدر اكتمه

الله ........... الله

ربي وربكم الله

الفالح ......... وماجد

صح لسانكم واصلو

متابع

لكم تحياتي

تمشي كما مشي الجمل لاكن ما فيك أحتراص = وتذوق مني علم يالفالح ويلذعك طعمه
ياحية ٍ ناطى عليها بالقدم تحت الخماص =مقطوع للفالح نسم ماجد قطع حبل أ نسمه

ترى الجمل جنبه متين ولا يعرف الانعفاص=يزحمك وانته منت قادر يالهذيلي تزحمه

هذا دليل انك سوات الطير في وسط القفاص=فوقك صواقع نازله والارض تحت ملغمه

ياصم يابكم يا غبيي أتغص ذابحك الغصاص = وصفتك أصغر من جمل خل الجمل لا تدحمه
عشره دروس مسجله جاتك ويبقى درس خاص = حطيت شاعر تحت أسمك كيف أسمك تظلمه

الشعر ما هو الهذيلي ملعبة ديمن و هاص=تراك في موخر طوابيره وحنا مقدمه


وانت الك عندي درس لا رحنا سوى في جيب شاص=درسٍ تسطر به كتاتيب الصحافه ملحمه

الفالح رااااجع وزن أبيااااتك !!!

أسمع أسمع ولا تلخبط


أنا عطيت أريال وافي تأخذ حصه حصاص = من قدمك يضحك عليك الضحكه اللي تغنمه
ياللي تبا تركب على جيب ٍ طريقه للنماص = أعطيك درس ٍ ينقش نقش الحجر والمرسمه

الشعر ماهو (يا) الهذيلي ملعبة ديمن وهاص=تراك في موخر طوابيره وحنا مقدمه

(يا) سقطت سهوا

انا تراني شاعرٍ ماهر واجيد الاقتناص=وانته ضحية حربة الفالح ورمحه وسهمه


طريقنا معروف ياماجد على وادي خلاص=نكرمك بالحاشي ومن تبغا من هذيل اعزمه

ماقصرتوا ياماجد ويا الفالح محاوره قويه وممتعه وواصلوا وصح لسانكم ياثنين
فيصل المسعودي

هذا العتيبي يحسب إنه يرجع لعمرو أبن عاص = والرمح شاله ثم حطه ثم حاول يقسمه
بكره ليا إن ذليت يالفالح معا داني وقاص = وين أنت ياللي من على الفالح نشوفك محَرمه

صح لسانك ولسانه
عز الله وفيتوا وكفيتوا

لكم مني اجمل تحية

الاخ ماجد صح لسانك وماقصرت وبيض الله وجهك ومهما حصل من كلام نبقى اخوان


ولنا لقا اخر ان شاء الله


تقبل تحيات الفالح

وافيه كافيه

ما قصرتوا والله

محراف طيب

وشعراء عماااااااااالقه

هلا والله بالفالح وبيض الله وجهك وما قصرت وسلمت وصح لسانك

وحنا أخوان وما يفرقنا شي وحياك فأي وقت

وترى كنت ابا ابدع معك بس أنشغلت واعذرني