مقتل معمر

العمر رحله والمقادير ظمر=والأدمي دنياه للركض ميدان
ولا فيه مخلوقن عليها يعمر=مادايم الا ربنا عالي الشان
الموت لاجرد السلاحه وشمر=حل الاجل للأدمي والوعد حان
مهما البشر تعلو ومهما تنمر=الروح لله والجنايز للأكفان
احدن يعيش وكل ليله يزمر=لاكن ماله فالعناوين عنوان
واحدن يموت ويترك اسمه مسمر=في كل مطبوعه وفي كل ديوان
يوم اعلن الثوار مقتل معمر=ساد الفرح في ليبيا عقب الاحزان
محدن بكى موته ولا احدن تذمر=انسان والا اقول ما اضنه انسان
اللي خبر موته وحزنه يدمر=هذاك والله ياعرب موت سلطان
اللي عليه دموع الأمه تهمر=والمملكه تنعاه من قلب ولسان
الطفل يبكي والأمير المومر=وتبكي عليه احباب واصحاب واخوان
وعين اليتيم دموعها ماتخمر=حزن على رمز المكارموالأحسان
غيثا ليا سرا خياله وسمر=مايشبه الا الغيث من غر الآمزان
غيثا سقا نخل الأصاله وتمر=مامثل ابو خالد ولا كاينن كان
الحزن عقبه شب ناره وجمر=واحرق قلوب شعوب واحرق أوطان
ياربي أنك تغمره ويتغمر=من رحمتك ياخير هادي ورحمان
اللي زرع خيره وحبه وثمر=لاهان عبدالله ونايف وسلمان


الشاعر سلمان حشر الدعجاني

لاهنت يالغالي

رحم الله سلطان الكرم والخير

فقيد الامه العربيه والاسلاميه

واسكنه فسيح جناته


صح لسان الشاعر الرائع

رحم الله أميرنا الغالي رحمة واسعة

وصح لسانك

لاهنتو على المرور