ماتقال احبك

ماتقال ( احبك ) كل ساعه ( لمن كان )

إلا من السـان اللـعوب الشــقاوي

اللي ماهمه صدق وحقوق الانسان

واللي يدور له ضحوك وغناوي

اللي الى شفته تداريه بإحسان

واللي الى قفيت سوا البلاوي

مهما عطيته مصرف الحب عطلان

وتظل رغم التضحيات انت هاوي

يلعب ويتمتع على كيف ماكان

والى نصحته صرت كلك مساوي

لاعاش حب (ن ) قاسي الرأس له لان

ولا عاش محبوب (ن ) يحب النقاوي

ولا عاش من يبني سعادته باحزان

غيره وقلبه من لظى الوجد خاوي

أما أنت ياقلبي فمن عذبك بان

ورًاك في سوق الغلا كم تساوي

أن طعتني لاتقول احبك لمن كان

وان قلت لا ( ف ) الصبر لي وانت غاوي