الاخ ابن حشاش
أولا مرحبا بك طال عمرك في منتدى قبيلة عتيبة
أما بالنسبة لتسألك عن القصة والقصيدة التي ذكرتها فقد أختلف الرواة في ذكرها
سوف أذكر لك بعض منها
1-
سمع أحد شعراء منطقه ( حرمه) بموهبة حنيف بن سعيدان
الشعريه , وتعطش لمقابلته وبعد مرور وقت من الزمن شاءت الاقدار واتى
حنيف الى بلدة حرمه لقضاء بعض الاشغال وتم اللقاء بين حنيف وبين ذلك الشاعر :
واستغرب حنيف من اصرار ذالك الشاعر على دعوته لتناول القهوه عنده.
وعندما قدم الشاعر أول فنجال لحنيف قال هذا البيت:
خمسة عشر فنجال لحنيف صبيت=لو ان بطنه قربـةٍ قــد ملاهـا
بعد هذا البيت تأكد حنيف بن سعيدان ان الدعوه هذي مبيت لها من قبل ,
فأجاب على الفور قائلا:
لاتحسب اني من دلالك تقهويـت=ماينقه الشراب.. من كثـر ماهـا
وراك ماسويتهـا يـوم سويـت=مثل العميم اللـي يزيّـن سواهـا
ياموصي الحرمه على صكة البيت=تقول ماهو فيـه وانـت وراهـا
واخيبة امك يوم قالـت تظّنيـت=ياخيبة امـك ياقطيعـة رجاهـا
فاصيب ذالك الشاعر بالدهشه من قوة شعر حنيف وفطنته , وقبّل راسه
وطلبه بان لايكمل اكثر مما سمع
2-
ذي رواة ثانيه
1- ناصر بن ابراهيم العبدالكريم
2- حنيف بن سعيدان المطيري
ودارت القصه في مدينة حرمه .. كان حنيف بن سعيدان مقيما في حرمه وان كان كثير الاسفار والترحال
بأسباب الوضع المعيشي الصعب في ذلك الوقت...
وفي يوم من الايام ذهب حنيف الى زيارة صديقه بن عبدالكريم فوجد منه الترحيب وقدم له القهوه ,وجلسا
يتجاذبان اطراف الحديث
حتى دخل عليهما بعض الضيوف وزاد الطلب على القهوه وحنيف..مازال يرتشف الفنجال تلو الاخر...
فأراد ناصر بن عبدالكريم ان يمازح حنيف ...وقائلا
خمسة عشر فنجال لحنيف صبيت....لو أن بطنـه قربـة قـد ملاهـا
فرد حنيف على الفور :
لا تحسب إني من دلالك تقهويت .... ماتقنع الشراب من كثر ماها
قال ابن عبدالكريم :
يا حنيف أنا في حمستي ماتدانيت = الدله الصغراء نكثر مناه
فرد حنيف :
وراك ماسويتها يوم سويت.... مثل العميم اللي يعدل سواها
أبن عقيل اللي يهلي لياجيت.... يضحك حجاجه وأن غلى مشتراها
فقال ابن عبدالكريم :
سبيتها يوم انت للضلع لزيت....وضيافتك ياحنيف هذا جزاها
ودلال ربعك يوم بالزين ماريت.... هم ربعنا قبلك طوال خطاها
حنيف:
مانيتي ذمة هل الجود والصيت.... الملعبه بين علينا سناها
ياموصي الحرمه على صكة البيت.... تقول ماهو فيه وأنتا وراها
فقال ابن عبدالكريم :
ياحنيف وبحرمتك وش سويت.... يوم المره اتعسرت في ضناها
علم الردا يظهر ولو به تتقيت.... علم وكاد ويشهدون اقصراها
فضج المجلس بالضحك على هذه المساجله الطريفه والجميله في نفس الوقت
وبقيا بن عبدالكريم وحنيف صديقين حميمين
أسمحلنا على القصور
أخوك
قحص
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
