محاورة العمالقة

السلام عليكم ورحمة الله وبركاته

هذي محاورة من اجمل المحاورات اللي جمعت شاعر هذيل عبدالله المسعودي الله يرحمه وشاعرنا الكبير مستور العصيمي اطال الله عمره وكل شطر فيه قافين وهذي المحاورة عرضت في التلفزيون السعودي ايامهاالمسعودي

المسعودي

سلام من هاجسٍ ماختلف نوعه * لو كـل الأيـام تخلـف حلاياهـا
والموهبة شي والعلم شي ثانـي * سيلـك بلانـو يانـازل الـوادي
ياقاضيٍ حكمته من تحت كوعه * من لايعـرف الصقـور يتشواهـا
كم اكلت النار من صقر شيهاني * والريم ترعى ورا الضلع من غادي


مستور العصيمي





اعداد ماشعشع النور بطلوعـه * يامرحبـا مـن هجـوسٍ بمعناهـا
وان كان جاك الخبر فالخبر جاني * من صدر مهتاض ماجيت نشادي
اللي يبا يزحم الضلع بضلوعه * خطرٍعليهـا مـن الضلـع يرزاهـا
ليش العوي ليش يالذيب سرحاني * عنيت نفسك وعنيـت الاجـوادي


المسعودي





ياخيال وبروق ورعود مسموعه * لكن مايشرب الطير من ماهـا
مافالسنه حب خوخ ورماني * والحال مايسمـن الا مـن الـزادي
مجنون ليلى سقى الرمل بدموعه * عشرين ليلـه وليلـه مايلقاهـا
البطن جيعان والطرف سهراني * والراس مرشوش بالورد والكادي


العصيمي





كلٍ جوابه على قيس موضوعه * واللي كتبهـا عـرف كيـف يقراهـا
انا على الدرب محدٍ تعداني * احرص من ابـرص وبـادي ورا بـادي
الضحك بالضحك والحرب بدروعه * واللي على البال مدري وش اطراها
جاكم نبـا مـن سبـا ياسليماني=اوحيـت مرسولـه ايصيـح وينـادي

المسعودي





لي حاجةٍ مادري وين مرفوعه * والسارحه صبح يابعد ممساها
المر فالقلب والحلو فلساني * والبغض بالعين والحب بفـؤادي
ايعيش نفرين ويموت مجموعه * وتصير كرامة ياعقيل لألحاها
والله لو لاي لولاي لولاني * لاقول يهديك رب السما الهـادي


العصيمي








يد الحرامي من الكوع مقطوعه * والسارحه صبح ياسرع مضواها
السر لو اعرفه وافهمه ماني* بياح الاسـرار جـراح الاكبـادي
ياشاعر اهذيل مافيه مطموعه * انت ابن مسعود مانت ابـن طـه
لاتقعد اتقلي اهذيـل جدانـي * واعـود اقلـك اعتيبـه اجـدادي

السوال كم شاعر في الوقت الحاضر يقدر يلعب على الطرق هذا؟

الله يعطيك العافية

على النقل المميز

وننتظر جديدك

لاهنت

وصح السنت الشعاار

..



ما أجمل التراث ! ..



بالنسبة لسؤالك :


الشعراء الجدد يمكن يلعبون بنفس اللحن , ولكن لن يأتوا بمثل هذه المعاني ..



يعطيك العافية يالعفريت ..


جميل هذا الطرح

السلم عليكم
اشكرك اخي الفراهيدي وابشر في الايام الجايه بتشوف شي يذهلك

السلم عليكم
اشكرك اخي الفراهيدي وابشر في الايام الجايه بتشوف شي يذهلك
وشكرا لك اخي ابونجرودخول مثلك لموضوعي شرف لي
وايضا اشكر نادر العش على رده ومااباقول انه اخطا في اسمي يوم كتب العفريت محله لاننا كلنا شخص واحد في منتدى الهيلا

..



أخوي الغالي

بدر المر ـ الحترم



ها أنا آتي إليك بكل ما إحتويه مشاعر الإعتذار والتعبير عن عدم تعمّد الخطأ ..


العتب على النظر .. الذي خانني هذه المرة ..


أخي بدر المر

أكرر الأسف مرة آخرى .. وأتمنى أن تلتمس العذر لي .

وأقول لك كما قال الشاعر سلطان الهاجري ـ في إعتذاره لصاحب السمو الملكي الأمير/ سلطان بن عبدالعزيز آل سعود :




أنا عن الزلات ماني بمعصوم=والعفو ياكحيلان عند المقدرة







عذري وأسفي .

اشكرك اخي نادر العش وماش خلاف

الله يرحم المسعودي ،،
ويبارك في العصيمي ،،
ويعطيك العافية يابدر المر ،،،

تحياتي ،،،،،،،،،،،،،

مشكور على النقل المميز سلمت ؟


خالص ودي ابن نميان

مشكورين ياخوان
وانت بعد يالحافي ويطول عمرك انشاالله
وانت بعد ياابو نميان وجعلك دايم الدوم سالم وغانم

بدر المر شكرا على المحاوره

يعطيك العافيه يابدر

بيض الله وجهك

وذي مجالسيه بين مستور والمسعودي

وكان مقطع الصوت عندي خمس دقايق

ونشالله ان لقيت المقطع باضيفه بعد اذنك

تحياتي

العفو يالعفريت ماقمنا لا بالواجب
وانت بعد يالمقاطي وانا ماعندي اي مانع في انك تضيف المقطع هذا منتدى الهيلا مهوب منتدى بدر
وشكرا للجميع

الله يرحم المسعودي ويطيل في عمر العصيمي محاوره رائعه