من قائل هذه القصيده

[الله من هــم بروحي ســـهجها
بخافى ضميرى فـى كنين الحشا لاج
احـرمن نار تواقــد وهـــجها
منهاخطر روحـى على ســلك ديباج
وعين عسى المولى يعجل فـرجها
يفوح ناظرهـا كما عــين هــداج
استرسلت للدمع من ما iiرهـــجها
غـــيظ يكظ عبارها مثل الامـواج
كـــم واحــد له غاية ما هرجها
يكنها لو هو للادنـين iiمحــتاج
يخاف من عــوجا طــوال عوجها
هــرجـة قـفا يركض بها كـل iiهـراج
يقضب عـليك المخطيه من iiحججها
حلو نباه وقلبه اسود من iiالصـاج
الله خلق دنيا وسـاع فجــجها
وعن ما يريب القلب لك كم منهاج
والرجل وان شـطت لياليك iiسجها
عســى تواليها تبشــر بالافـراج ]



ولكم تحياتي

هذي قصيدة محمد السديري.....

وهي من قصائد الحكمه.

الأخ الكريم الخليفي فعلا كما ذكر الاخ ليل القصيدة للسديري يرحمه الله

وقد رد عليها الشاعر زبن بن عمير العتيبي لان السديري ارسلها له مع قصيدة موجهه لزبن وهي اللي يقول في مطلعه السديري

حل الرحيل وفرقوا شمل الاحباب///ناس على فرقا الاحبه مغاليل

الى ان قال :مني لبو غشام زبن المشاكيل

وكان في الظرف هذه القصيدة (حل الرحيل)والقصيدة انفت الذكر فرد زبن على القصيدتين

اما القصيده الاولى
الله من هــم بروحي ســـهجها //بخافى ضميرى فـى كنين الحشا لاج

فقد رد زبن بقصيدة مطلعها
يامرحبا باللي ورقته زعجها//وصك المعاني صك باب بمزلاج
وحطيتني يامير في معتلجها//والدا الخفي ماله تطابيب وعلاج
الخ القصيدة

-
اما قصيدة السديري والتي مطلعها (حل الرحيل)
والتي منها البيت الشهير
الله لايجزا عريبين الانساب//لو هم على ماقيل سوا على الخيل
فقد رد عليها زبن بقصيدة نختار منها هذه الابيات
كلش ولاقولة زبن صد ماجاب //خلا رفيقه والركايب زرافيل
ونظمت لي مايه وتسعين ركاب/مسددين وجيشهم خيل ومحيل
جذعان من ربعي مخلصت الانشاب //ثبتان مافيهم من الهرج ماقيل
كل ابلج بيديه سود كما الداب//وقلوبهم منا طنايا مغاليل
قلت افزعو هذ تاره ام غصاب//وتمسكو بالصبر عند المحافيل
وحاشتهم العبره ورموا بالاسلاب //وركبو ماغير بحزمهم والسراويل
الخ القصيدة

للمعلومه/اوردت القصيدتين حتى يتضح ان القصيدة التي ذكرها الخليفي لم تكن موجهه لزبن ولكن زبن رد عليها لان السديري ارسلها في ظرف واحد مع القصيدة الموجهه لزبن(حل الرحيل)مما جعل زبن يرد على القصيدتين ولان القصيدة الاولى خفيت المعاني كما وضح زبن رحمه الله في مطلع رده
والله اعلم

ولك تحياتي

مشكورييين والله يعطيكم العافيه

اخوي بليهان ممكن تذكر قصيدة زبن العتيبي كامله


تحياتي أخوكم الخليفي

ابشر ان شاء الله ابي اذكر القصيدتين كامله بس اصبر على ادور الشريط اللي فيه القصيدتين بصوت زبن الله يرحمه

لا هنت على القصه والقصيد وتقبل مروري
مع تحيات الهضيباني