مطير تعرف عصــور الجـواهيل

الشــاعر هايف بن نعيّم شاعر مبدع ولقب بشــاعر غطفـــــان وله قصيدة تذكر وقعات مطير وبعض من امجادها .:


واليك القصيده :
بديت بأســم الله قبـل لابـدي القيــل

بســم الــلآه بدايتــي والخـتامــه

ســبحان من نزل على الرســل جبريـــل

وضـح لهم طــرق الحــلال وحـــرامـه

كتـب لمن طـــاعه جنــان مظـاليــل

ولمن عصــاه النار تاكــل عضــامــه

مالي ومــال الناس والعـدل والميــل

كــل يبي يلقـى حســـابه امـامــه

مانـي على ذريــــة آدم بوكيـــل

الله يعـــدّينا الظلـم والظــــلامه ا

ياكثر ما اســمع مخطي الهرج واشـــيل

عرض البشــر واجـــب علـي احتــرامـه

واجــب نكـرّم طيبيــن الريــاجيــل

مـالـم تمس اعـراضــنا والكـرامــه

مالـي لــزوم في كثيــر الأقــاويــل

والكـذب والله مـا اتحمـــل لثــامــه

نفسـي ما احملها بالأكــذاب تحميــــل

ولا أخـوض في بعض الســوالف غشــامــه

احــب قــول الصـدق ماهوالـدهاويــل

لو عــاكس المنطــق خطــاة الخــمامه

مـدحــي لربعي صــح ماهو بتضـليــل

الضــد حمــران النواظــر كعــامــــه

متورثيــن الطيـب جيــل بعـد جيـــل

كــل ارجــح متورثـــه من عمـامـــه

خضنـا المعارك خوضــة الرجـل بالســيل

شــجعان ما تمشــي علينا المــلامـــه

تاريخنـا اوضـح من الجـدي وســـهيل

في ليلة ما بالســـماء من غمــامــه

مطيــر تعـرف من عصـور الجـواهيــل

يـوم ان كــل نجــدته من حـــزامــه

ســرنا كما وادي الرمـه بالمســاييـل

باديـن من مبــداه حتــى تمـــامـه

أنظـر ممالكــنا شــمال الفحيحيـــل

بجـوار اخـو مـريم بهاك العـدامـه

ســقنا الضعــاين مقفيات مقــابيل

من الخليــج اليــن تاصــل تهــامــه

نذبــح ونذبــح مير لنا مصـــاويــل

ناخــذ ثــلاث اضعــاف بالأنتقـــامـه

حــنا نقــابل بالمعــارك مشـــاكيــل

والفــايـز اللي يعلــق الله ســـهامـه

عــنوان نجــد اللي يعد المفــاعيــل

اقـروه والقــاري يســـده كـــــلامــه

اوجز فعــول مطيـر من غيـر تطــويــل

كـون المـربع واجــزره والرضـــامــه

موجـز خبـر ما جــاء بكـل التفاصيـل

كير المســمى والفنيــده ورامـــه

وقعـة لبــن لـو عــددوا للمقــاتيــل

منـا ومنهم مثــل قتــل الرغــــامه

وقعـة وريـط الـدم يجــري كما الســيل

يســـيل من عــال الوطـى للعــدامـه

قيــادنا الدوشـــان من غيـر تفصيــل

اللي لجمــع مطيـر لهــم الزعـــامه

فيصـــل بن ســـلطان بمقــدم الجيـل

شـــيخ على ربعــه عـزيـز مقـــامــه

فيـهم على بعـض القبــايل تنــافيل

كســـابة للمجـد منــذو القــدامـــه

دوشـــان وان ركبــوا على قــرّح الخيل

كم شــيخ قــوم من يــداهم عــدامـه

ياما كلــوا من روس شـــوخ عنـاتيــل

بســيوف هنـد يـوم وقـت القـوامـــه

عــدوانهم هــزمة كما هــزمة الفيـــل

يشــهد بها التــاريخ واي انهــــزامـه

طـريحهم خـلي عـلى الأرض مـا شـــيل

عـليه جـــر الصــوت ذيـب العــــرامه

مـرحلين الضــد بالســـيف ترحيــــل

غصــب عليه والا حصــل له مــرامـــه

عــدوهم يصبــر على الضــيم والويــل

وصـــديقهم بالعــز يبنــي خيــامـه

من ضــربهم دور لبــو زيـد ومهيـــل

انظـر جمــاجـم روســـهم بالمحــامـه

عـــلوى منوخـة الجمـل يامهـــابيــل

ميــزه لهم من لابســـين العمـــامـه

الله من حــي جــرى له بهـــاذيـل

ارمـــاح عــــلوى شـــالات عضــامـه

ياكـم قصــد برمــاح علوى وكم قيــل

محســـن وصفهن في تغـــزّل غــــرامــه

وابريه يشــفون القــلوب المغـــاليـل

اهــل الفعــول المعجــزه والقــرامــه

نطـــاحة للقـوم لو كـان اقـــاليـل

لهم مع الــروس الكبــار اصتـــدامه

يوم الأنجليــزي لحــقهم بالتنـــابيل

خــلوا حـديـد الجيب شــتى حطـــامــه

اول طلـق في رامي الجيـب والويـــل

وثاني طلــق في ســــايقه واللجــامــه

وحـنا العبــادل من على وقــت صمويـل

فينا الحســب فينا النســـب والقـدامـه

حنـى بنـي العـزى الى قيـل ما قيــل

نلقــب بحمــران النواظــر عـــلامــه

يضــرب بنا بين القبــايل تمـــاثيـل

الى جاء نهـار مثــل يوم القيــامــه

الى جاء نهـار اســـود كنه الليــل

وابليــس بين القــوم زاد اقتحــامـه

اليا ناحـرت خيل المعادي مقــابيــل

تــذب روس ســـيوفنـا كـل هــامــه

احيـان عقيـــل واحيـان جهـــاهيــل

بقـــلوبنا على المعــادي ضخـــامــه

منا تســمى القور باســـماء ريــاجيل

يـوم القبـــايل داومتنــا ادوامــه

ولنا بنقى الوجــه عــدة مفــاعيـــل

وســلخ الوجيه اللي تســـوي مـــلامــه

الضيف بين مطيــر ما قدســبق غيـــل

تلقى المــروءه والشــرف والشــــهامه

مكــرمـــات بيوتــهم والمعــاميـــل

عن دم ضيـف ما اهتنــا في طعــامــه

تبـى على نــاس تغــول الهشـــاشـــيل

كرامتــه للضيـــف صـــارت نــدامــه

هذا كــلام من صحـــــاح الأقـــــاويـل

ما دلســـه خطـو الكـــذوب بكـــلامـه

عنـدي على هذا شـــهاده واداليـــل

والصــدق عند بدايتـــه والختـــامه

الله يعــز ال الســـعود الأبــاطيـــل

اللي ســـعوا للديـن بالأســــتقامــه

صــالوا وجـــالوا بالســـيوف البواتيل

الله نصــر فيهم لــدينــه واقــــامــه

مذلليــن الضــد بالســـيف تذليـــل

يمشــي بـدوب ولا طمــع بالســــلامه

خلو عـــزيز القوم يبـــرك بلا حيـــل

مالــه جــدى ياكـــود عضــة بهـــامه

الأخ اخو جوزه
تسلم طال عمرك
والنعم بمطير ويستاهلون
من غير قصور في باقي القبايل
وصح الله لسان الشاعر هايف
أخوك/عجاج نجد

بيض الله وجهك
لاهنت اخو جوزه
تقبل تحياتي

ما عليك زود ياعجاج نجد

ولاهنت على المرور

العوني

لاهنت على المرور

وعندي سؤال يا طويل العمر

أنت ايات العونه

وحـنا العبــادل من على وقــت صمويـل

فينا الحســب فينا النســـب والقـدامـه

حنـى بنـي العـزى الى قيـل ما قيــل

نلقــب بحمــران النواظــر عـــلامــه




العزيز ** اخو جــــوزة **

كل الشكر على هالقصيدة الرائعة التي يتوقف عندها الرد مجبرا ..

وكل لحظة وقلبك ومن يحب بخير..

تقبل مروري وفائق اعجابي بكم وبي نقلك الرائع ..


بـــــــدر بن جبرين

كســـابة للمجـد منــذو القــدامـــه
*&*&*&*&*&*&*&*&*

منذو متى يـا هـاذا :) :) ...؟

روح حط امجاد مطير في منتداكم لا تطحط في منتدى عتيبه
بدون تجريح وتقصير بمطير

بدر بن جبرين

مرورك شرف ووسام اعتز به


تحياتي

نبض عتيبه

علامك زعلان ياطويل العمر علينا

وانا مانزلت القصيده الا في مكانها

تحياتي

أخو جوزا , الله يعطيك ألعافيه وماقصرت طال عمرك .

كســـابة للمجـد منــذو القــدامـــه
*&*&*&*&*&*&*&*&*

منذو متى يـا هـاذا :) :) ...؟
قبل أيام ألقاعيه والدجاني بعشرات ألسنين , ياصعصعه .

الشرقي

مرورك شرف ووسام اعتز به

وبطلبك طلب مثل ما طلبت من العوني ولاانت

برادني لا ترد على الساقطين الذين يريدون اضهار

انفسهم لانه من يريد ان يشتهر وينعرف بين الناس

يذكر ويتكلم عن مطير سواء بمدح او ذم

تحياتي