رثاه في ابن جامع

السلام عليكم=واسعد الله مساكم جميعا
رحم الله الشيخ والامير عبدالعزيز ابن جامع شيخ الروسان
وامير الفوج ذالك الشيخ اللي لا تنسى فعوله
ووالله لو نكتب الف بيت في طيبه ما وفت طيبه
ووالله لو نكتب الف بيت في رثاته
ما وعبرت ربع شعورنا تجاه وفاته فرحم الله الشيخ



ياثنين ياثنين اللهد والنكاده=ياثنين منت بيوم من عرض الايام
ياثنين قلدنا الوشاح بسواده=حزنن وهم وغم تنكس لها اعلام
والحزن لامنه سطا اله عاده=دموع وفلوعن على القلب قصام
ويناقم المحزون في حلو زاده=ويبيح الخافي على زاج الاقلام
واوجد حالي والبلا وارتعاده==وغمه وهمه يوم ماشاله اعضام
بسباب سنت خالقن في عباده=طير المنيه فوق راس الفخر حام
غيب اله شيخن قوين زناده==فالطيب والماجوب والعز مقدام
قايد ويومن عند الابطال قاده=بالجود والناموس كارب له حزام
فقيدت عتيبه فقيدت بلاده==والله ان نبكيه عامن ورا عام
ياكيف لا لو كان مالدمع فاده=عظيم وتبكي فقدته ناسن اعظام
هذاك ابن جامع مضمر جياده=فكسبت كفووانساق لفعاله اوسام
جاهد واميرن قايمن في جهاده=تمشي ورا جمعه من صفوف الاقوام
في حل صعبات العقد له سياده=من غيره فالشيخان تشرله ابهام
واليوم جانا علم واعلن وكاده==ونزعجت ادموعن وبلن الاكمام
والوقت ماندري وشنهو مراده=وش له يجازينا بعنا البين وكعام
مصيبتن مافي وراها جلاده=نبكي ولاحد بصافي الدمع ينلام
عسا الله ينعم شيخنا في رقاده=في قبره ويفسح اله قدر مادام
ومن هوا الجنه ينسنس براده=ويشوف منزاله معا خير الانام

الله يرحم ابن جامع ويعطيك العافيه

صح السانك ويستاهل حاتم الهيلا جعله الجنه

عسا الله ينعم شيخنـا فـي رقـاده
في قبره ويفسح الـه قـدر مـادام
ومن هـوا الجنـه ينسنـس بـراده
ويشوف منزاله معـا خيـر الانـام


الرائع عبدالله النفيعي

بيض الله وجهك والشيخ ابن جامع يستاهل الطيب حي وميت ..

الله يرحمه ويجعل الجنه مثواه ..

صح السانك وعلا شانك يالغالي ..

الله يرحم الشيخ عبدالعزيز بن جامع

...

وصح لسانك ولاهنت

شجاع السواط=نشاط الزلامي=عبدالرحمن الهيلوم=شاعر القوابعه
صحت ابداااااااااااااااااااااااااااااانكم جميعا والله لايهينكم

شجاع السواط=نشاط الزلامي=عبدالرحمن الهيلوم=شاعر القوابعه
صحت ابداااااااااااااااااااااااااااااانكم جميعا والله لايهينكم

عبدالله معيوف

صح السانك

ولاهنت على الشعور الطيب الذي لايستغرب منك

والله يرحم ابوخالد ويسكنه فسيح جناته

تقبل تحيتي وتقديري