القصيدة بعنوان الصديق الوفي

لاجفاك الزمان وحاصرتك الهموم=دور اللي يشيل الحمل وشتك علاه
واحداً لانصيته في اللوازم يقوم=قومته تبهج الخاطر وتروي ظماه
مايشيل الحمول الا قوي العزوم=والضعيف ضعيف ماربح من نخاه
الرفيق الوفي تلقاه عند اللزوم=مثل بيت ٍ الى احتجته يذري ذراه
جاهزاً للدفاع وجاهزاً للهجوم=يا الله تكثر امثاله وتحيي نباه
ثابتاً مثل ضلع طويق بين الرجوم=لو تهب الهبائب ماتحرك حصاه
وفاهماً في العوائد فاهماً في السلوم=طيب الساس حراً مايبي له وصاه
ذاك والله رفيقي جعل عمره يدوم=يسعد الله صباحه يسعد الله مساه
اتشرف بمعرفته وأقول محشوم=حشمته عندي أكبر من جبال السراه
اذكره كل ماهبت علي السموم=هو رصيدي وبنكي في بنوك الغناه
ياعساهم تحت مطاه كل الرخوم=ويا عسى الله في ها الدنيا يطول بقاه
القصائد بمدحه تحتفل كل يوم=ولو مدحته بشعري كيف ابلحق جزاه
والمراجل صعيبة ماتجي بالعلوم=ما تجي كود بالمجهود طول الحياه
يتعب الرجل ماحقق كثير الحلوم=والصبر يوصل الرجال غاية مناه
والليالي تراها لوصفت ما تدوم=مير يا لله توفقنا طريق النجاه
شعر.سـهـل بـنـدر حـيـاد الـمـقـاطـي

مشكور يالغالي ماقصرت ..

مايشيل الحمول الا قوي العزوم=والضعيف ضعيف ماربح من نخاه
الرفيق الوفي تلقاه عند اللزوم=مثل بيت ٍ الى احتجته يذري ذراه
جاهزاً للدفاع وجاهزاً للهجوم=يا الله تكثر امثاله وتحيي نباه

شعر.سـهـل بـنـدر حـيـاد الـمـقـاطـي

جزاك الله خير ..... والله لايهينك ..... وصح لسان الشاعر

الله الله صح لسانك وصح لسان الشاعر

بسس بصراحه الصديق الي مثل هاذا صعب تحصل منه الا القليل

تحياتي لك

شاكر على النقل الرائع جــــــــداااااااا

وصح السان الشاعــــــــر / سـهـل بـنـدر حـيـاد الـمـقـاطـي


تحياتـــــــــــــي وتقبل مروريــــــــــــــ

صح لسانك يالمقاطي

صح لسان الشاعر


ولاهنت