(((يالامير اللي تحلت مملكتنا في مجيّه)))

بمناسبة عودة صاحب السمو الملكي الامير \ سلطان بن عبدالعزيز إلى أرض الوطن سالما معافا

أضع هذه الابيات المتواضعه وليست تفي ولكن تعبير عن الشعور



والله إني لشعل القيفان وازوّد حطبها=لين تصبح مثل مبنى المملكه والفيصليه

حشمة(ن) لك سيدي سلطان مايطفي لهبها=يالامير اللي تحلّت مملكتنا في مجيّه

والله انّا من تعبت العام تعّبنا تعبها=لن سموك قيسها ياشوق ليلى العامريه

ماتجرّا ياولي العهد رجال يخطبها=لا ولا قدم لها رجال فاغيابك هديه

عارفين انك تبي ترجع وتلبسها ذهبها=واتشرّف يوم تلبسها بكفيك النديه

شوفها حنت يديها واكحلت لجلك هدبها=وشوفها كدت شعرها وافتنت كل البريه

إلبست ثوب الزفاف وكل ماقربت تبها=لين غطاها الجمال ودقت إلشوفك تحيه

تنتظرك اصناف شعبك ياذراها ياطلبها=الارامل واليتامى والفقارى والغنيه

جيتك مثل المزون اللي رضى ربي جلبها=ثم هلت ماتكنه فالصباح وفالعشيه

وارتوت منها القفار الجدب والدار وعربها=منظرن ماينتوصف بالحروف الابجديه

مرحبا ترحيبة(ن) ياسيّدي دمي كتبها=ولو نزف دمي ترى روحي على شانك فديه

علي بن عمير

صح لسانك على هذه الابيات الرايعه

وابو خالد يستاهل الترحيب

وصحيح المملكه نورها مجيه

تحياتي

صح لسانك وعلا شانك



قصيدة وااافية في ممدوح" وافي :)



والحمدلله على سلامة سمو الأمير وعودته لأرض الوطن سالما معافا

صح لساااااااااااااااانك

مبدع هنا وهناك الله لا يضرك


تحياتي لك

صح بدنك ياعبدالله لاهنت على المرور الرائع

والله يعافي ابو خالد وجميع حكامنا من كل شر

أسير القوافي صح بدنك لاهنت على المرور الكريم

والطيب يستاهل الطيب

صح بدنك يابو دحيم وهذا بعض مما عندك لاهنت على المرور الكريم

صح لسانك ياعبدالله ونتمنى لك التوفيق.

صح بدنك ياولد عساف لاهنت

علي بن عمير


ياسلام ياسلام


صح لسانك ....

الحمدلله على سلامة سمو الأمير



وعودته لأرض الوطن سالما معافا



وصح لسانك يابن عمير جزله وانت جزل

صح بدنك يا بن سرحان لاهنت على المرور الكريم

سعود صح بدنك لاهنت على المرور الكريم