ياهيه>>او تصاميمي في المونتاج الصوتي

WIDTH=0 HEIGHT=0


يسعد لي مساكم
اليوم اطرح لكم احب قصيده لي من قصايد محمد بن فطيس
من مونتاجي في الريمكيس
اول محاولة لي في دمج الاصوات

اتمنى انها تروق لكم وترتقي لذائقتكم
ابيات القصيدة/
يا هيه إتلفت لي وإسمع دعاي لك يا هيه
ترى عادك بتشبع من البعد وتواجه
***
دعيتك بصوتٍ ياصلك ليه ما توحيه
وأنا أسمع ضلوعك من صدى الصوت لجاجه
***
عليك الفؤاد إخلاجه مصمخ راعيه
خف الله في راعيه ما تسمع إخلاجه
***
ترى العفو قد جاك أوله وإغتنم تاليه
وترى الحلم بحرٍ غير لا تآمن أمواجه
***
وترى الود ليلٍ مظلمٍ جيتلك ساريه
سراجه وصالك والجفا ينفخ سراجه
***
وترى قصرنا اللي كم سنة نجمع ونبنيه
هوى العذل طيح بابه العود وسياجه
***
لي أيام مدري وين دارك ولا أدري ليه
وأنا خابر إني باب شفك ومزلاجه
***
غيابٍ بلا سبة هجادٍ بلا تنبيه
وجفا أغلى العرب نارٍ على الكبد وهاجة
***
نضج قلبي من البعد وش حاجتك تكويه
جفاك الجمر والصبر في بعدك الصاجه
***
إنطبع حبك بقلبي والأيام ما تمحيه
هذا هجرك يحاول يموجه ولا ماجه
***
يموت الأمل لكن ظنون الغلا تحييه
وعروق الوفا فالروح والقلب وجاجة
***
خبرتوا حدٍ يبكي على واحدٍ يبكيه
وخبرتوا حدٍ مسجون ما يبقي إفراجه
***
أحبه ولا أبغضته على شيٍ يسويه
ولا زالت رقاب الرجا فيه معاجة
***
عسى منزلٍ ضمه حقوق الوسم تسقيه
وتضحك له الدنيا وهو يضحك حجاجه
***
فقد خاطري شي من الضيقة مسليه
وغدت روحي من الناس والليل هجاجة
***
أروح لمكانٍ خابره .. خابره تآتيه
أسوق القدم صوبه وهي مالها حاجة
***
مكانٍ نزيه وأول مواجهي له فيه
وأنا خابرٍ ما رجل مثله بدواجة
***
لعل وعسى ما حدني للمجي يدعيه
وأشوفه وأنا ما ودي أسبب إحراجه
***
يحب الجريح آخر دروب اللقى ويجيه
وتحب القدم جية مكانٍ أول مواجه


ولكم رابط التحميل رافعه لكم على مركز رفوف للي يبي يحمل الملف كامل
[صورة غير متوفرة] (http://sub3.rofof.com/01esdnt19/Yahyh.html)



وهذا بعد رابط عاليوتيوب
http://www.youtube.com/watch?v=VUeiAuJT3S0 (http://www.youtube.com/watch?v=VUeiAuJT3S0)

تصميم روووووعه


سلمت

سلم راسك اخوي
ولا هنت على طلتك
لا عدمتك يالغالي