((النيســــــــان))

هذه القصيده أيضا في الجيب أرضا لاخي "فهد بن سفر المطيري"وارجوا ان تحوز على اعجابكم ولا تنسونا من ارائكم ونقدكم البناء الذي ليس لنا غناء عنه:

ياماحلا اللي لامشى يطوي البيد= يطوي مسافات الديار البعــيده
من مصنعه ورد من الشرق توريد= جديد واللوحات فوقه جــديده
نيسان ماقصد من البنك تقصيد = راعيه سلم قيمته من رصـــــيده
الله على اللي صممه كيف مايريد=سلط على الكافر خبيث العقـــيده
شغله مصمم عن جميع المناقيد = شغله وتصميمه على مايــــريـده
أليا اعترض والتف شكله من بعيد = خيمة عروس فالمباني فريــــده
ولامنه اقبل كن وجهه مع السيد = ذيب يدور له مع الليل صـــــيده
كن الغمارة للرجال المشاهيد = ديوان بـــــشار الاسد يوم عــــيده
كن اشتغاله حس هرج المواديد = هرج الوديد الـــيا هرج مع وديــــده
يمشي كما تمشي نجاح المساعيد = اليا مشت جنب البـــــحر مع فريـــده
لافز قام يصيح واصياحه يزيد = صياح مقـــــهور نجـــى له ولــــــيده
من قو عزمه بجد القاع تبجيد = تقول سيل حــــــادر من ســــــــيده
اليا سرى وشمعات نوره مواقيد = مثل الجحيم الملتهبه الـــــشديـــده
اليا استوى والخط قدمه سراميد = يروح كنك قـــــاري لك جريــــده
يازين مشيه مع صحاح الجراهيد = لاقـــام عــــــــداده يزيــد تـــعديــده
مايختلف مشيه ولو هي مباعيد = مرس على طول المسافه حـــــديــده
واليا عطى له مع حزوم وجلاميد = قطع الدروب الــــــكايده مـاتكـــــيده
كنك مع اللفه تشوته عن الحيد = لاقمت عن درب الوعــــاير تحــــــيده
يمشي من الدمام يبغي المسانيد = ساعه قد عقــــــب خــــلافه بـــــريـده
عليه قرم يعشق القنص والصيد = طرد الحباري ريف قلـــــبه وعـــــــــيده
صقار لاشاف الحباري ملابيد = فك اشقر الجنحان من راحــــة ايـــــــده
حـــر لا حول فوقهنه على حيد = اليادرع فالـــــــجول راحت شـــــريـــده
حـــــرمخاليبه سهوم مواريد = اليــــــا تولى الخرب لازم يصـــــــــيده
مولع بالطير والصيد ويجيد = وسج القدم بين الفياض الـــــــــمديده
فهد قوي الباس ذيب الاواليد = اللي على الطالات نفســــــه عنـــــــيده
حاز المراجل كلها يالاجاويد = غصب على الزعلان واللي يكـــــــيده
عز الخوي لاعدو العلم تعديد = عن باقي العربان هذه تزيــــــــــــده
من الشجاعه فيه من طيب ابو زيد = اللي من القومان ينـــــطح بديــــده
ومن الكرم حاتم وعن حاتم يزيد = اللي يعشي فاللـــــيالي الزهــــــيده
قطع الخرايم عادته والجراهيد = ماهوب مثل اللي حــــــياته نكـــــــيده
العيه اللي ضاري بالمراقيد = ياكبر همه يوم ينقـــــــص رصــــــــــــــيده
ماغير في بيته عن الطرقه مهيد = جيبه من الميقاف جيم حـــــديــــــده
صحيح مايستاهل الجيب رعديد = مايستوي للجـــــيب غــير الولـــــيده
الشاعر:مشاري بن رفاعي الروقي

احجزا ولي رقم 1

لين اعود بحول الله :)


تحياااااااتي

أليا اعترض والتف شكله من بعيد
خيمة عروس فالمباني فريده


روعه وصف

وابداع

فهد قوي الباس ذيب الاواليد
اللي على الطالات نفسه عنيده
حاز المراجل كلها يالاجاويد
غصب على الزعلان واللي يكيده

ونعم بخويك ويستاهل


صح لسااااااااااااااااانك مدد بلا عدد

وصح ابداعك

اخوك ذيبان

ذيب السريه

انت ذيب القوم والفيلق

صح لساااااااانك

للشعر قيمه اجدها في ابياتك

وللجزاله مصنع ينتج النيسان والبيان العذب

لك تحياتي

اخوك

النااااااااااااايف

صح لسانك على هالقصيدة الجزلة

الاستاذ الشاعر وصلللل
انتظر عودتك بفارغ الصبر ويسعدني تشريفك دائما
لك كل التقدير والاحترام من اخوك مشاري

صح بدنك اخوي ذيبان الاروع هو تشريفك لي كم يسعدني دائما وجودك
كل الشكر والتقدير والاحترام لك

صح بدنك اخوي نياف
شكرا لك على كلماتك الاخويه الصادقه
وشهادتك اعتز بها
تقبل تحياتي اخوك مشاري

صح بدنك اخي الغالي مروي العطاشا
كل الشكر لك على تشريفك
تقبل تحياتي اخوك مشاري

....
الشاعر العذب
ذيب السريه ... صح لسانك الى ماله نهايه
على هذه القصيده الشامخه مثل شموخك..
سجل اعجابي دائما بماتقدم وشوقي الى ماستوقدم. :)

اخي العزيز في القصيده لي بعض الملاحظات
فهي اما ان تكون نتجت عن خطأ املائي..
او سوء فهم مني..
وهو خلل في اوزان بعض البيوت
والشي الذي لي عليه ملاحظه سوف اجعله
بالخط الاحمــــر
وانتظر تعليقك على ذلك...

من قو عزمه بجد القاع تبجيد
---------- تقول سيل حادر من سيده(1)

اليا سرى وشمعات نوره مواقيد
--------- مثل الجحيم الملتهبه الشديده(2)

يمشي من الدمام يبغي المسانيد
----------------- ساعه قد عقب خلافه بريده(3)

بالاضافه الى تكرارك بعض الكلمات في القافيه
مثل عيده ----- ورصيده :)

شاعري المفضل
ماشجعني ان اذكر هذه الملاحظات
هو طلبك النقد البناء ..
تحياتي واعجابي بشخصك.
اخوك..

العيه اللي ضاري بالمراقيد
ياكبر همه يوم ينقص رصيده
ماغير في بيته عن الطرقه مهيد
جيبه من الميقاف جيم حديده


صح لسانك على هالقصيدة الجزلة

صح لسااانك ذيب ولاهنت

اخي مرزوق كم يسعدني دائما تشريفك لي وصح بدنك
كل الشكر لك على هذا الاطراء وشهادتك اعتز بها وهي وسام على صدري
اسفه على تاخري بالرد لانشغالي اما بالنسبه لنقدك اشكر والله كل الشكر انا دائما احتاج لتوجيه لان مدرسه الشعر كبيره جدا وانا في اول طريقي وياليتك وجميه الاعضاء تستمرون في توجيهاتكم لنا يابناء العمومه
امابنسبه لملاحظاتك فهي خطاء املائي


من قو عزمه بجد القاع تبجيد = تقل سيلٍ(ن) حادرٍ من سنيده

الياسرى وشمعات نوره مواقيد = مثل الجحيم الملتهبه الشديده (لا ارى فيها شي)

يمشي من الدمام يبغى المسانيد = ساعه وقد عقب خلافه بريده (الواو فقط)

اما التكرار في القصيده فهو ليس بعيب فيها من وجهة نظري

ارجع واقوول اذا عندك ملاحظات اوتعليق انا في انتظارك لك كل التقدير والاحترام
اخووك مشاري[/poem]

صح بدنك اخوي فهد الجعيد وحسن الجعيد
كل الشكر لكم ولاعدمناكم يالغالين

..
الشاعر المميز والانسان الخلوق
مشاري .... يقولون اهل الحكمه واثق الخطوه يمشي ملكا...
وانت شاعر قادم بقوّه وسبق وان ذكرت لك اني من اشد المعجبين
باسلوبك وقوّة معانيك .... و ملاحظاتي لاتقلل من قيمة قصيدتك ابدا...
فذكرت وتوقعت ان هذه الاشياء ربما تكون ناتجه عن اخطاء املائيه
وهو ارجح الاحتمالات .. وكان كذلك ... فشكرا لك على التوضيح والتصحيح...
انت ترى ان الشطر الذي يقول( مثل الجحيم الملتهبه الشديده ) مافيه شي
اذا انت اعلم بقصيدتك .. يمكن اللهجه لها دور.... مع العلم اني ارى ان البيت مكسور
فالذي اطلبه منك ان تشكل لي ( الملتهبه ) اذا مايكلف عليك لكي ارى كيف تنطقها...
اما مايتعلق بتكرار الكلمه وبنفس المعنى في قافية القصيده ...
اعتقد انه يدل على عجز الشاعر وارى انه لايليق بشاعر في مستواك
المبهر وقادر على ايجاد كلمات غيرها وبنفس القوّه ..
...اتمنى ان نشوف اراء الاخوان في هذا الجانب لكي نستفيد جميعا ...
كل الشكر ياغالي
والله يحفظك...

هنا أعود مجدداً للإستمتاع بقراءة هذه الفارهة ..

الشــاعر : مشاري

أبدعت والله أبدعت ...

أتقنت الوصــف ...

وأجدت بمعنى الكلمة ...

لا فض فوك...

ودمت مبدعاً ...



الشاعر : مروزق العتيبي

أشكر لك ملاحظاتك التي كانت في محلّها ..

وكما اتضح أنها أخطاء إملائية ...

أما الشطر / مثل الجحيم الملتهبه الشديده

فهو موزون ...

لاحظ معي " المـِــلْــــتِهـَبــة "

فقط اللهجــــة ..


أمــّا مسألة تكرار أواخر البيت وهي ( الإرداف ) كما نسميه ...

فمــا يجبر الشاعر على الوقوع فيها إلاّ إذا وجد هناك بيت ..

يعتبر " قوة ضاربة " .. وفي حالة تغيير الكلمة لن يبقى البيت بنفس القوة...

فهو بين أمرين أمرّين :

إما إن يأتي بالبيت كماهو بتكرار الكلمة ..

أو أن يلغي البيت كامل من القصيدة ...


ولكن أنا أرى أن من الأجمل هو عدم التكرار ..

لأنــه وعلى أقلّ القليل يسمى البيت / مردف /

فعندما تلغي فكرة البيت جذرياً ..

ربما تأتي ببيت بنفس القوّة ...

لكن إذا أصرّيت على نفس مسار البيت ..

فأي كلمة غير الكلمة المكررة هذه لن تسدّ الفراغ ..




تحياااااتي

صح لسانك أخوي / ذيب السريه قصيده رائعه
ولكن لدي ملاحظات في تكرار بعض كلمات القافيه
التي يجب أن يتحاشاها الشاعر المبدع والمتمكن

أما ((الملتهبة)) للهجة دور ولكن الكلمه ثقيله في النطق

أرجو تقبل الملاحظه والمعذره أخي ذيب السريه
ولك كل التقدير والإحترام

هلا والله وغلا بالغالي مرزووق اخجلتنا والله بكلامك الطيب الي من الطيبين امثالك
اما الرد اظن اخوي وصلللل الله يعطيه العافيه صح اللسانه وسلمت يمناه كفى وفى
عزالله بيض الله وجه لاعدمناكم يالغالين


تقبلووا فائق احترامي وتقديري لشخصكم الكريم والنعم والله فيكم
اخوووك مشاااري

صح بدنك اخوي نادر هلافيك
كل الشكر لك على مرورك وملاحظتك
انت ماقريت رد اخوي وصلللل
تقبل تحياتي اخوك مشاري

اين اراء باقي الشعاااااااار