دايم عزاويهاا بأبوها .. عال / عال / المنصبي ..!!

مسااكم / صبحكم الله بكل الخير ..






//







\\






/




\\







..







امن الرياض العاصمة للساحل الشرقي سريت=الأوله هي مطلبي .. واللي بعدها مطلبي !
سريت من ضيق الشعور اللي علي / ولا وعيت= ألا وأنا أسج قدمي حول الخليج اليعربي !
لا ياا بحر ما هو على شان الهوى يمك عنيت= لأن الهوى " في مرقبي " .. وأعرف مداهل مرقبي !
يمك حداني ما لقيت امع الليال وماا قريت= في " صفحة كتاب الزمان " اللي سبى العالم سبي !
اخذ السوالف ياا بحر من خاطري عقب استويت=واشره علي ( إن غثربت دلو النقايد مشربي ) !
إن ما استحيت فـ / دنيتك قال النبي : سو ماا بغيت= وحقك علي ياا لحيتي إما حشمتك بـشنبي !
الناس قامت تدرج ماا بين حي .. وبين ميت=أحدٍ عدى حظه عدي .. وأحدٍ حبى حظه حبي !
والعالم الله ! يا وطن فيض المشاعر وش نويت=مار ارعدي يا " مزنة الخير العريضه " واسكبي !
أنا تجنبت الردى من عزتي مار ابتليت=فالعالم اللي تنهش جنوبي ولا أدري وش تبي ..؟!
أهل الحكاوي والهروج اللي بهاا 90 ليت=ولياا فتشت فعولها .. ( محدن عرش راس الظبي ) !
ياا مكبّر اللقمه ترى لا كبرت اللقمه شكيت= من حشرجة حنجورهاا .. لوك عريب المنسبي !
روّح وأنا أعرف مدخلي وأدري ترى لا من بديت=بأن النهايه حدها ( من مخلبي في مخلبي ) !
بمشي على الدرب السوي / وأدري ليا مني وطيت=روس الحياياا .. يبترم ولا يموت العقربي !
لي مذهبي ماا تخلفه طول الليال ولا مشيت= أمشي مع اللي مذهبه ياخذ وصايف مذهبي !
ما غرت القلب الحلام .. ولا عشقت ولا هويت=الا الجزيل / وخاطري ما غرته برق العبي !
ومما كسبت من الزمان اللي على كفه حييت= " مسيلمه كذاب ومحمد رسول الله نبي " !
يالله عليك المشتكى والملتجى مما جنيت=مسلم رجايه ما تخيّب حيل جهدي وتعبي !
وياا ذا النسيم اللي مع أمواج البحر فحت وبديت=( من مشرقي ) وصل سلامي للغلا ( في مغربي ) !
للجادل !! اللي لا طرت لي ساعة الضيقة نسيت=جل الهموم .. ولا شكى ثقل الحموله منكبي !
أحبها وأتبع هواها لا سرحت ولا ضويت=هي راس مالي .. " وإن حسبت لمكسبي هي مكسبي " !
فيهاا الوصايف لا سمعت / ولا قرأت / ولا رأيت=ودايم عزاويها بأبوهاا.. عال ! عال ! المنصبي !
إلياا ازعلت كلي زعل / وليا رضت كلي رضيت=ولو الخطا بأسبابهاا قلت : الخطيه بسببي !
غابت لهاا حول السنه ( وأنا لي الله ) ما سليت = وشلون أبا أسلى ..؟ والجفا ناره كلت نص حطبي !
( والنص الآخر ) بلله دمعي وأقول اني عصيت=ياا خيرة الله لو نضب دمعي ولا قلت : ارحبي !
بأصبر وبأصبر ياا بحر وإن زادت جروحي سريت= امن الرياض العاصمه يم الخليج اليعربي !
وآقف على جالك وأسولف بالمشاعر بيت ! بيت != مضمونهاا ياا مسهلي !! ياا مصعبي !! ياا مصعبي !!

..
.

اين ماحللت ... وجدنا الجزاله..
صح لسانكـــ .. يااستاذ عايض ..

...

صح السانك مدد بلا عدد

احترامي

صح لســانه

لاااااااااااااااااااااااااااا تشكي لي

ابكي لك

شكرررررراااا لك وصح لسانك

,,


مرزوق / صح بدنك



والله لا يهينك

,,

,,



أبو مرحباا /


حياك الله .. ولا خلا ولا عدم




,,

,,




أخو جوزا / صح بدنك .. ولا هنت



,,

عايض بن زوير

يشهد الله اني احتري جديدك من يوم قريت اخر قصيده نشرتها بالمنتدى
يا ليت ما تبطي علينا بجديدك
شاعر مبدع يا عايض و صح لسانك .

,.,

فهد / صح بدنك .. ولا هنت
ولا هان وجودك

.,

روّح وأنا أعرف مدخلـي وأدري تـرى لا مـن بديـت
بأن النهايـه حدهـا ( مـن مخلبـي فـي مخلبـي ) !



الله الله


روح روح يابن زوير ومتابعين شعرك ينتظرون كل ماتطرح من بوح هنا


صح لسانك صح لسانك "

صح السانـــــك

صح لسانك ياشاعرنا والى الامام

.,


علي خيران / صح بدنكـ ..
وجودك ومتابعتك شرف .. تقديري

.,,.

القصيدة جميله والاجمل شعور شاعرها



اتمنى التوفيق لك ياعايض

لـي مذهبـي مـاا تخلفـه طـول الليـال ولا مشيـت
أمشي مـع اللـي مذهبـه ياخـذ وصايـف مذهبـي !

^^
اخوي عايض صح لسانك وعلا شانك
والله ان كلها قصيده من خيار في خيار
ولا يعيّبها شيء