قصيدتي فالجيب

موترن جانيبه الله وانامن فوقه حسيف
ينشرح صدري بشوفه وزينة مركبه
اشتغاله كنه الوبل من مزن الخريف
جابه الله من شراطي يدور مكسبه
ماحساه لعثعثن دونه العرق المنيف
وإن تنصى العرق كنه بـترسه ينهبه
الدبل ماجود فيه الثقيل مع الخفيف
زايـد الهــزاز والــرمل يـلـعن مـذهـبه
إن نصيته منقدم شمسة البشت النظيف
وإن قفيته قعو ذيـبن سـرح من ملعبه
اسردن متناسق الشكل والرفرف قظيف
والشخوط إللي على الباب شمسن مغربه
سايقه وان هدرس الليل والمسرى مخيف
ثابـتن قــلـبـه ولاحــرك الخــوف شـنبه
شايبن شيبه على الحق والدين الحنيف
يطــلـب الله كـل ماامسى يحقق مطلبه

وســــلامتـكمـ...

صح لسانك يالبراق

صح بدنك ياأبن بشير