قصائد مختارة في هطول الآمطار

بسم الله الرحمن الرحيم

السلام عليكم و رحمة الله و برركاتهـ ..,

اخواني .. اخترت مجموعة قصائد في هطول الآمطار حيث أن هذي أيام

مباركة عسى الله يرحم البلاد و ينزل البركة


امطرت والجو يامحلا براده
ذعذع الغربي معه يشموم شيح
في مكان ٍ يذهب الضيق ارتياده
بالمطر والديم والبر الفسيح
تستطيب الروح وللنفس استفاده
يبري ضيق الصدر لو ماهو شريح
من هموم ٍ ترتمي بالقلب عاده
لاطرا طاريه بالقلب الجريح
ماشقيت بكسب مال ولاكساده
كل همي والشقابك يامليح
لاعذلت القلب يشقابك زياده
مانسيتك لانسيتك قال ويح
آه من جمر انتظارك واتقاده
اشهد إن لجذوة الفرقا فحيح
انتظرك بهاجس ماله هواده
بين ضيق وهم فقدك مايزيح
كان تبغا تغيب في دنيا النكاده
بس لاتبعد ولاتبطي نزيح
والله ان مشاهدك يكفي سعاده
ليتني دايم اشوفك واستريح


الشاعر/ نايف العويمري ,,

,,


شوف المزن يبري القلب والروح = كيف لاطاحت هماليل الامطار

ارقب سحاب الصبح قبل مايروح = واخيل منها فيل تتعدى لها ديار

ولياركزت تسقي قاعها والسوح وتروي فياض بعد عجات وغبار

عز الله أفرح والدموع سفوح = ودمع عيني يجري كنه انهار

انا الوسم وحالي ياناس مجروح = وحبي للمطر مايوصف ويندار

وثوبها اخضر وحالها صار مفضوح = والطير غرد ينشد الصوت سمار

يارب ينزل الخيردوم مايروح = ويبقى علينا دوم المطر مدرار

وصلاة ربي عد سالم ومسروح = على رسول الخير محمد المختار


,,

المـطـر حـنّـت رعـــوده وإلـتـعـج بـرّاقــه
صــدّق وهــذا أولــه فــوق الـثـرى دفـاقـي


جــاء سحـابـه حــادرٍ ممْـلـي تــدلاّ أعنـاقـه
وانتـثـر هملـولـه وســاق وسـقـى وإنـسـاقـي


مرحبـابـه عـــدْ عـيــنٍ للـحـيـا مشـتـاقـه
مرحبـا يـا إمفـرّج الضيقـه علـى مــن ضـاقـي


يــا هماليـلـه تـسـاقـي وأرفـقــي بـإدفـاقـه
أسـقـي الارض المحـيـلـه والـثــرا مشـتـاقـي


قـالـوا ان الـوسـم قـفّـا والـوســوم إشـفـاقـه
قلـت ربـي يـا عـرب هــو كـافـل الأرزاقــي


الكـريـم الـلـي يـجـود ولا بـخــل بـأرزاقــه
بـأمـره إتْـلـم الـمــزون ويـلـعـج الـبـرّاقـي


هــذي امـزونـه تهـامـل والـحـيـا بـإشـراقـه
كـل وادي سـال حتـى الـقـاع صــارت سـاقـي


وامتـلـت كــل الخـبـاري مــن زلال أوداقـــه
لـيـن عـقـب اسـبـوع بـيّـن بــاذره وادقـاقـي


ابشـروا يـا أهـل المـواشـي لا إكتـسـا بإرنـاقـه
ليتنـي مـا بعـت فــي هــاك السنـيـن إنيـاقـي



جـتْ منـاة اللـي شفوفـه مــن شـفـوف إنيـاقـه
ابـــدويٍ للـفـيـاض المـخْـضـره عـشّـاقــي


يـوم شـاف الوسـم صــدّق زال عـنْـه ارهـاقـه
مـن يلومـه غـيـر خـبْـلٍ خافـقـه مــا تـاقـي


مـيـتٍ قلـبـه وعـايـش فــي زمـانـه عـاقــه
شــفْ بـالـه لـبـسـه وتـسـكّـع الاسـواقــي


جعـل جنسـه فــي تنـاقـص قاطعـيـن السـاقـه
ليـن مــا يبـقـا لـهـم بـيـن الخـلايـق بـاقـي


الحـيـا نـبـتـه لقـلـبـي سـجّـتـه واشـواقــه
شوفـتـه تبهجـنـي وتبـعـد هـمــوم اعـمـاقـي


بـكـره إلـيـا نــوّر الـنـوّار بـيــن اوراقـــه
وإكتسـت جـرد الفيافـي هــي تـراهـا اشـواقـي


والــدلال وشـــبْ نـــارٍ بـالـدجـا شـعّـاقـه
وســط روضٍ ريــح نبـتـه ينـعـش الخـفّـاقـي


بـيـن خـطــلان الـيـديـن إمْتيّـهـيـن الـنـاقـه
لابــةٍ بـيــن القـبـايـل مسـتـواهـا راقـــي


سـجّـةٍ تبـعـد هـمـوم المشْـتـحـن واغـلاقــه
والمديـنـه بالحـيـا مـالـي علـيـهـا اخـلاقــي


هالليـالـي وقـتـهـا بـيــن الـلـيـال اذواقـــه
مــا تـعـد مــن العـمـار بسـجّـة الأرفـاقــي


مــن تطـوفـه والله انــه مــا تـزيـن اخـلاقـه
لـيـن يمـشـي وســط روضٍ زاهــي الأرنـاقـي

حسين علي العتيبي
,,



يالله يالـلـي تـرحـم الأرض بـرشـاش =نون من المنشىء يجيلـه رشاشـي
عشـرة ليالـي بارقـه ينـعـش انـعـاش=ما جف ماه ألا علـى شبـع حاشـي
تحيـابـه الـديــره و يـسـقـن الادبـــاش=و يرتـاح بـال الـلـي يــرب المـواشـي
مــا كـــل غـالــي فـالـغـلا ذاه يـنــاش=الغـالـي آغـلـى مــا يجيـلـك بـلاشـي
الـلـي يبـيـع ويشـتـري بيـعـتـه كـــاش=مـابـه تعـامـل غـيـر بالبـيـع كـاشــي
وشلون ياللي ما معك شي تعتاش=منـتـه مـثـل الـلــي يجـيـلـه مـعـاشـي
وضعك يخلي صاحب الفكر منداش= معروف رأس الضبي مابـه عراشـي

الشاعر / منيف لفيان العتيبي

مشكوووووووووور والله يديم الأمطار والخيرات على ديار العووود

مشكووور والله يديم الأمطار والخير على المملكه العربيه السعوديه

صح لســــــــــــــااااااااااااانك

صح لسااااااااااااانه

شكر لك ياطيب