18-May-2005, 06:16 PM
يالله ياللي بامرك الرزق مكتوب =
ربٍ فتح للخلق رزقـــه وبابـه
رب دعاه بتالي الليل ايـــوب =
وانزل على صفو البرايا كتابه
يسجد لوجهه كل مؤمن ومكـروب =
يخشي عذاب الله ويرجي ثوابــه
من لاذ بالمعبود ماهوب مغلوب =
وماخاب حي بالكريم التجى به
افرج لقلبٍ بين الاضلاع مصيوب =
ماصوبه بالجاش سهوم الحرابه
مصوب من نجل الاعيان رعبوب =
طفل نهب مكنون عقلي نهابه
غديت انا وياه طالب ومطلوب =
لا رحم ابو حيه ولاحضرة جنابه
أقفى وخلاني كما دلو ذبـذوب =
لاهوب لا للماء ولا للجذابــه
وجدي عليها وجد من طاح مقضوب =
بأرض خلا والداب عضه بنـابه
يبكي بعالي الصوت من لاهب الشوب =
في عثعث ماحوله الا الذيابه
او وجد راعي فاطر مابها عيوب =
حمرا عليها قربته مع زهابه
حدر بجو ناوي له على صوب =
ماهوب يعلم والقدر رمابــه
بأرض خلا مقطوعه مابها دروب =
ماداج به حي ولااحد وطا به
نوخ ذلوله في ذرى راس نبنوب =
ومن العنا جا قشعته والتوى به
يوم ان صحا من هجعت النوم مرعوب =
افخت ذلوله والنصيب انتحا به
ضاعت ذلوله فوقها الزاد منصوب =
مع قربته مع بندقه مع جرابه
واصبح يسجج خالي العقل مسلوب =
يطرد بقيعان الصحاري سرابه
الشمس فوقه والثرى تقل مشبوب =
ومن الظما يبس بلهاته لعابه
وايس من الدنيا بعد طاح منكوب =
لا واعنا قلبه ولا واعذابــه
او وجد راعي غرس واثمار واحبوب =
يوم اثمرت والطلع توه بدابه
يبست قليبه بس طين ودغلوب =
والزرع مات وخاب سعي سعابـه
وانا سبب قتلي من البيض رعبوب =
طفل سلب عقلي وقلبي غدابه
حبه برى حالي كما بري نبنوب =
غصن رعى فيه الدبا وابتدابه
سمم حياتي واودع الجسم متعوب =
اتلف شبابي اتلف الله شبابه
شفته قبل ماتنكف الشمس بغروب =
عصر الربوع موقف عند بابه
شفته وحار بي القدم تقل مصلوب =
ازريت اسير ولا حصل لي انقلابه
قلت السلام وصد مارد بسلوب =
ورد التحيه ماسمعنا جوابه
واقفيت انا كني مع الوجه مضروب =
صارت بيوت الحي عندي اتشابه
وهليت دمع يفرق الكم والثوب =
ركب اخيال العين وامطر سحابه
ونيت ونة من فقد شخص محبوب =
مع ونته بيديه شقق ثيابه
يبكي غلاه ودمع الاعيان مسكوب =
وعمي البصر من دمعته واكتئابه
وانا رفعت الصوت في راس مجذوب =
في راس مرقاب اجر العوا به
اقنب قنيب الذيب واجر مسحوب =
والعي بصوت مثل صوت الربابه
واجاوب الورقا بونات وانحوب =
وماجابت الورقا على الغصن جابه
مالذ لي زاد ولاطاب مشـــروب =
والنوم جفني ليلةٍ مااهتنابه
اخاف اموت ولاحصل منه مطلوب =
واخاف غيري ياخذه واسفابه
مكتوب والمكتوب مامنه مهروب =
واللي كتب للعبد بالحيل صابه
واللي يصيب العبد باللوح مكتوب =
غصب على المخلوق لو مارضــابه
ياليتني مع نابي الارداف بالثوب =
ادخل معه واحط نابي بنابـــــه
وأمز ريقٍ كنه الشهد بالكــوب =
طب القلوب ان كان زاد التهابه
توه غضيض وناعم العود مربوب =
يجعل حكيم الراي يفقد صوابه
لو داس راس القدم صلب مصبوب =
الهيل ينبت في محل وطا به
أمر بيته لا هجع كل مذهوب =
وامسح جدار بيته والمس ترابه
متى يجي من يم الاحباب مندوب =
بشير خير وحامل لي كتابـه
بجاه منهو رد يوسف ليعقوب=
يرد من حبه وقعت بعذابــه
الشاعر / زيد الفايز
وصلوا على المختار ماسار مركوب=
وازكى تحيه للنبي والصحابه
ربٍ فتح للخلق رزقـــه وبابـه
رب دعاه بتالي الليل ايـــوب =
وانزل على صفو البرايا كتابه
يسجد لوجهه كل مؤمن ومكـروب =
يخشي عذاب الله ويرجي ثوابــه
من لاذ بالمعبود ماهوب مغلوب =
وماخاب حي بالكريم التجى به
افرج لقلبٍ بين الاضلاع مصيوب =
ماصوبه بالجاش سهوم الحرابه
مصوب من نجل الاعيان رعبوب =
طفل نهب مكنون عقلي نهابه
غديت انا وياه طالب ومطلوب =
لا رحم ابو حيه ولاحضرة جنابه
أقفى وخلاني كما دلو ذبـذوب =
لاهوب لا للماء ولا للجذابــه
وجدي عليها وجد من طاح مقضوب =
بأرض خلا والداب عضه بنـابه
يبكي بعالي الصوت من لاهب الشوب =
في عثعث ماحوله الا الذيابه
او وجد راعي فاطر مابها عيوب =
حمرا عليها قربته مع زهابه
حدر بجو ناوي له على صوب =
ماهوب يعلم والقدر رمابــه
بأرض خلا مقطوعه مابها دروب =
ماداج به حي ولااحد وطا به
نوخ ذلوله في ذرى راس نبنوب =
ومن العنا جا قشعته والتوى به
يوم ان صحا من هجعت النوم مرعوب =
افخت ذلوله والنصيب انتحا به
ضاعت ذلوله فوقها الزاد منصوب =
مع قربته مع بندقه مع جرابه
واصبح يسجج خالي العقل مسلوب =
يطرد بقيعان الصحاري سرابه
الشمس فوقه والثرى تقل مشبوب =
ومن الظما يبس بلهاته لعابه
وايس من الدنيا بعد طاح منكوب =
لا واعنا قلبه ولا واعذابــه
او وجد راعي غرس واثمار واحبوب =
يوم اثمرت والطلع توه بدابه
يبست قليبه بس طين ودغلوب =
والزرع مات وخاب سعي سعابـه
وانا سبب قتلي من البيض رعبوب =
طفل سلب عقلي وقلبي غدابه
حبه برى حالي كما بري نبنوب =
غصن رعى فيه الدبا وابتدابه
سمم حياتي واودع الجسم متعوب =
اتلف شبابي اتلف الله شبابه
شفته قبل ماتنكف الشمس بغروب =
عصر الربوع موقف عند بابه
شفته وحار بي القدم تقل مصلوب =
ازريت اسير ولا حصل لي انقلابه
قلت السلام وصد مارد بسلوب =
ورد التحيه ماسمعنا جوابه
واقفيت انا كني مع الوجه مضروب =
صارت بيوت الحي عندي اتشابه
وهليت دمع يفرق الكم والثوب =
ركب اخيال العين وامطر سحابه
ونيت ونة من فقد شخص محبوب =
مع ونته بيديه شقق ثيابه
يبكي غلاه ودمع الاعيان مسكوب =
وعمي البصر من دمعته واكتئابه
وانا رفعت الصوت في راس مجذوب =
في راس مرقاب اجر العوا به
اقنب قنيب الذيب واجر مسحوب =
والعي بصوت مثل صوت الربابه
واجاوب الورقا بونات وانحوب =
وماجابت الورقا على الغصن جابه
مالذ لي زاد ولاطاب مشـــروب =
والنوم جفني ليلةٍ مااهتنابه
اخاف اموت ولاحصل منه مطلوب =
واخاف غيري ياخذه واسفابه
مكتوب والمكتوب مامنه مهروب =
واللي كتب للعبد بالحيل صابه
واللي يصيب العبد باللوح مكتوب =
غصب على المخلوق لو مارضــابه
ياليتني مع نابي الارداف بالثوب =
ادخل معه واحط نابي بنابـــــه
وأمز ريقٍ كنه الشهد بالكــوب =
طب القلوب ان كان زاد التهابه
توه غضيض وناعم العود مربوب =
يجعل حكيم الراي يفقد صوابه
لو داس راس القدم صلب مصبوب =
الهيل ينبت في محل وطا به
أمر بيته لا هجع كل مذهوب =
وامسح جدار بيته والمس ترابه
متى يجي من يم الاحباب مندوب =
بشير خير وحامل لي كتابـه
بجاه منهو رد يوسف ليعقوب=
يرد من حبه وقعت بعذابــه
الشاعر / زيد الفايز
وصلوا على المختار ماسار مركوب=
وازكى تحيه للنبي والصحابه
