اقرب شاعر..
معتق السلمي21-Sep-2011, 08:35 PM
سلام الله سلام من سليم لحضرت العتبان=رجال تكرم الخطار في تالي لياليها
يقولون الفهيم اللي يصندف فكرته بتقان=وفي تال الزمن منه يصندفها ويرويها
عبدالمجيد الثعلي21-Sep-2011, 08:46 PM
هلا يامرحبا ترحيبة العتبان للسلمـان=وحنا أهل الكرم في ماضي الدنيا وتاليهـا
وألا ياشاعر سليم أنت معتقّ ماأنت بن عتقـان=وبين الناس فرق ٍ مثل ماتفرق بأساميهـا
معتق السلمي21-Sep-2011, 09:02 PM
يدوم ألك البقا ياشاعرن جانا بلا عنوان=من ارجالن تضد الخصم وخصومن تباريها
من عيال العمومه والشعر واحد معا الاخوان=ومهما قلت فرجال العرب منته موفيها
عبدالمجيد الثعلي21-Sep-2011, 09:09 PM
من اللي جاء بلاء عنوان يابسمّ الله الرحمـن=ماتنزل من شمنصير الطوال اللي تعديهـا
أقول ونعمّ فيكم والنعمّ نعمه على الإنسـان=وهذي نعمة الله يوم يأخذها ويعطيهـا
فهد الشيباني21-Sep-2011, 09:10 PM
ياسلاام ياسلاام
صح الساانك يامعتق
وصح السانك ياعبد المجيد
متابع ..
عبدالمجيد الثعلي21-Sep-2011, 09:13 PM
ياسلاام ياسلاام
صح الساانك يامعتق
وصح السانك ياعبد المجيد
متابع ..
ياهلا و مرحبا والله بفهيـد
صح بدنك
ويشرفنا والله مرورك
معتق السلمي21-Sep-2011, 09:17 PM
على الارض البسيطه ماطلعت الضلع يالغلطان=كما السرحان لامنّه نوى الصيّده يذكيها
تقوله ونت يبن الناس لامرضي ولا زعلان=ونا اجيب البيوت اللي مثيلك مايسويها
عبدالمجيد الثعلي21-Sep-2011, 09:27 PM
ثلاث رجوم فأعلا الحره وفأعلى القرى الضلعـان=زمانك يوم ترعى بالرعيـّـه وأنت راعيهـا
تشيل الحبل بالعقدّه وعندك عقدة ٍ فلســان=بيوتك كان تبغى الصدق. ويش اللي ماهو فيهــا
معتق السلمي21-Sep-2011, 10:09 PM
جميع الي تقوله والحكي مايرجح الميزان=ويبقا فالشويعر حاجتن نبغا نسويها
العقده اللي جات من يمنى كريم الشان=ونا مارجع اللي بالهداينا جاي يهديها
عبدالمجيد الثعلي21-Sep-2011, 10:21 PM
ماتخفى واضحه وضحى على العجـلان ابن عجـلان=وابن عجلان في عجله يكحلها ويعميهـا
ليا ثورتهـا بلارامي ولاحبـة ونشيـان=نبا نوفر فشقنا فالمحازم ليــه ؟؟؟ نرميهــا !!
عبدالمجيد الثعلي21-Sep-2011, 10:24 PM
معتق السلمي الختام عندّك وصح لسانك لاهنت
معتق السلمي21-Sep-2011, 10:26 PM
ليا طارت طيور الجو ماتنفعك يالبطران=لكنك قبل لاتقوله تحذر ويش قاديها
اعرف الاوله لاكن قلت الاوله برهان=ابقلب مقصده وسري مفكر في نواحيها
معتق السلمي21-Sep-2011, 10:27 PM
صح بدنك يالغاااالي وشكرا على الردود الجميله.. وصح ألسانك
عبد الرزاق بن سعود النفيعي21-Sep-2011, 10:30 PM
صح لسانك يامعتق السلمي
عبد المجيد الثعلي
صح لساااااااااااااااااانك مليون
شاعر ماعليك كلام
اعجبني كثيرا نقضك للبيوت
مهما قلت ماوفيتك حقك يابن ثعلي الله لايضرك
والله يكثر من امثاااالك في المنتدى وخارج المنتدى
حبيب العصيمي21-Sep-2011, 10:37 PM
صحت السنتكم جمييع
.......
عبدالمجيد الثعلي21-Sep-2011, 10:40 PM
صح لسانك يامعتق السلمي
عبد المجيد الثعلي
صح لساااااااااااااااااانك مليون
شاعر ماعليك كلام
اعجبني كثيرا نقضك للبيوت
مهما قلت ماوفيتك حقك يابن ثعلي الله لايضرك
والله يكثر من امثاااالك في المنتدى وخارج المنتدى
ياهلا ويامرحبا والله يا عبدالرزاق
صح بدنك ملياراااااااااات
وشكرا على المجامله ههههه
وأفتخر والله وأتشرف بشهادة شاعر كبير مثلك وشرواك
يحق لي أفتخر وأعتز طال عمرك
ولاعليك زود يالقرم ابن القروم
بارك الله فيك وشرفتني يالقرم
عبدالمجيد الثعلي21-Sep-2011, 10:42 PM
صحت السنتكم جمييع
.......
ياهلا ومرحبا والله ياحبيّب
صح بدنك
وشرفتنا بمرورك الغالي ياغالي
معتق السلمي21-Sep-2011, 11:30 PM
شكرا لكل من مر على هذا المتصفح ..
وبيضالله وجهك ياعبدالمجيد الثعلي. . وصدق اخي عبدالرزاق
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
