قوم يانايف واخذ لك من الفالح دروس ؛؛؛
علي فلاح العضياني23-May-2005, 08:30 AM
مرحبا ترحيب ما ينتقدر بالفلوس=من غلاه ازريت اقدر من المال ثمنه
قوم يانايف واخذ لك من الفالح دروس=كان تقدر تفهم الدرس حنا نتقنه
ماجد الهذلي23-May-2005, 11:40 AM
الليل الليل يا نايف
أنا مشاهد مع الجمهوور
بدعه ممتازه يالفالح
تحياااتي
الحر الأشقر23-May-2005, 02:17 PM
الفالح دائماً متميز وحضورك وبيوتك لها طعم خاص
لاهنت يالغالي وفي إنتظار نايف وإنشاء الله محاورة ممتعة
أخوك/ الحر الأشقر
نايف الحميدي23-May-2005, 05:08 PM
والبقاء ردة معزه على العليا تروس=ردةً من طيبها تكفي الفالح سنه
انتبه نايف يعلم مخالفت الهجوس=وانت مثل الي على الراس يشتال كفنه
علي فلاح العضياني23-May-2005, 05:42 PM
ارفع انظارك ولا تفهم العلم معكوس=واعرف ان الدرس يالصاحبي مالك عنه
الله انه لا يحييك ياليوم العبوس=شاعرٍ يبغالك الخير وشتبغا منه
عبدالعزيز بن جودان الرويس23-May-2005, 06:50 PM
الله الله
يالفالح شاعر مبدع ومتمكن
صح لسانك يالفالح
والله الله يانايف عندك الرجال توص فيه
ههههههههه
واصلو ونحنو في الصفوف وانا في صف نايف
نايف الحميدي23-May-2005, 07:58 PM
كان عندك علم هاته وحذرا لاتحوس= والدعاوي كلها ياعميلي هينه
المطر لاطاح علمه ترى عند العسوس=مير عساس العرب راح محدٍ عينه
مرزوق حمدان العتيبي23-May-2005, 09:00 PM
كان عندك علم هاته وحذرا لاتحوس= والدعاوي كلها ياعميلي هينه
المطر لاطاح علمه ترى عند العسوس=مير عساس العرب راح محدٍ عينه
الفـــــــــالح مميز
ونايف قادم بقوّه .... شاعر نفخر بتواجده بيننا...
انا مساك ومشجع في كل الصفين :)
تحياتي
تحياتي
المسرّي23-May-2005, 09:27 PM
مبدع يا نااااااااااااااااايف
ما شاء الله عليك
علي فلاح العضياني23-May-2005, 10:06 PM
فيه للضباط قاده وللقياد روس=روس قومٍ وسط ميدانها متمكنه
الدلال تفوح بالبن والبن محموس=وانت لك فنجال وش عاد تبغا واضمنه
نايف الحميدي24-May-2005, 12:04 AM
والله انا خابرين القروم امن الهدوس=والجبل يعرف ونعرف رجالٍ تسكنه
دلةٍ ماتضبط الراس لاصار معموس=مالي بفنجالها مير عٌده واركنه
علي فلاح العضياني24-May-2005, 12:11 AM
احتميناها بحربٍ كما حرب البسوس=قبل يا نايف تجي من بلاد البوسنه
ندهن اشنابك ونرخي عليها حد موس=شاربٍ ما يقبل الكيف لازم نحسنه
نايف الحميدي24-May-2005, 09:51 AM
لاتقوله وانت هاك السنه مالك رموس=عايشٍ فتشاد مابين هم وملعنه
ترتعد يمناك ماتلحق اعزاز النفوس=وانت كيفك ببس والببس كيف الورعنه
علي فلاح العضياني24-May-2005, 07:41 PM
يا وطنا من شرور السفاهين محروس=كيف يا اهل الميسره تقربون الميمنه
انت ابن عمي ويكفيك تقليع الضروس=لو غيرك لذبحه واتركه ما ندفنه
نايف الحميدي24-May-2005, 11:22 PM
الوطن دونه رجالٍ على الصعبه تدوس=واقفه ماهمها لو تزيد الطرطنه
اركد اركد منت ذابح واخذ وضع الجلوس=استرح وارتاح قدام حبك نطحنه
علي فلاح العضياني24-May-2005, 11:44 PM
يالله اتعز المصلين وتذل المجوس=قدمك الفالح مواطن وحامي موطنه
انت تونس لك من العلم في كبدك ونوس=كم مغبونن سواتك توفى بغبنه
مرزوق حمدان العتيبي25-May-2005, 08:10 AM
...
واصــــلوا
ترانا تحمسنا ...
شعراء ماعليكم كلام ...
تحياتي
نايف الحميدي25-May-2005, 04:53 PM
مرحبا يبو محمد
شرفت
الفضل لله
ثم لك
ياستاد
نايف الحميدي25-May-2005, 05:38 PM
يالله اني طالبك تصلح القلب النجوس=لين تمحي سيته والعوض منك احسنه
مانقلنا الهم مثلك على بيض الطروس=والمصيبه كل شاوي تبا ذوق البنه
نايف الحميدي26-May-2005, 02:31 PM
اللللللللللللللللليل
يالفااااااااااااااالح
الصففففففففففففوف
وقوووووووووووووووووف
علي فلاح العضياني27-May-2005, 09:38 PM
الشاعر نايف الحميدي تشرفت بالمحاوره معك ؛؛ وصح لسانك وما قصرت وبيض الله وجهك
ولنا لقاء اخر ان شاء الله
تقبل تحيات اخووووووك الفالح
ماجد الدغيلبي28-May-2005, 02:53 PM
الفالح .. \ نايـــــــــــــــــف
عز الله انكم امتعتونا لاهنتم
نايف مره ثانيه مرحبا بك ونتشرف بتواجد شاعر في حجمك
كل الاحترام
نايف الحميدي28-May-2005, 06:25 PM
الله يشرف مقدارك يالفالح والله لايهينك
استمتعنا ومحاوره جيده
لنا لقاء
ان شاء الله
تقبل تحياتي
نايف الحميدي28-May-2005, 06:28 PM
مرحباااااااااااااااااااااااااااااااااااااااااااااا اااااااااااااااااااااااااااا
ياماجددددددددددددددددددددددددددددددددددددددددددددد ددددددددددد
شرفت ولاكلفتتتتتتتتتتتتتتتتتتتتتتتتتتتتتتتتتتتتتتتتتتتت تتتتتتتتتتت
ومشكوررررررررررررررررررررررررررررررررررررررررررررر
علىىىىىىىىىىىىىىىىىىىىىىىىىىىىىىىىىى
المجاملههههههههههههههههههههههههههههههههههههههههههه
الحلوهههههههههههههههههههههههههههههههههههههههههههه
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
