اكتب خطئية صاحبك فوق الوطا//وانقش جميلة صاحبك فوق الصفاه!!

مساءكم شعر ومحبه وخير







:

:

:

ياصاحبي ترى الحياه أخذ وعطا=وظروفها تمشي على كل إتجاه

والأدمي فالصح وألاّ فالخطا=الصّح صحّه والخطاء يبقى خطأه

ومن لا مشى الدرب الصحيح اليا خطا=الهم قدمه والملامه من وراه

واللّي مايدري وين بأقدامه وطا=اليا انكسر ساقه لاحد يبكي علاه

ووجه الحقيقه لو يغطّى بالغطا=لابدّ ماتكشف لك الدنيا غطاه

ولو راحت الدنيا مراويح القطا=مكسبك منها الطيب يامال الغناه

واحسب حساب الوقت لامنّه سطا=والصاحب الطيّب مثل طوق النجاه

اكتب خطئية صاحبك فوق الوطا=وانقش جميلة صاحبك فوق الصفاه

خطئيته تمحى ولو طال البطا=وجميلته تبقى على طول الحياه





:

:



وسلامة روسكم





عيضه الثبيتي

ابوفيصل صح لسانك قصيده رائعه تضاف الى سابقاتها من الدرر
وليس بغريب على شاعر مثل عيظه الثبيتي الجزاله والابداع
تقديري

صح لسانك يابن دبيان
قصيدة جزله

يسلم راسك
وصح الله لسانك
وكلام مثمن وعلوم رجال
وحكم تنشرى بالدراهم غالية وشامخة
بيض الله وجهك واسجل اعجابي وبارك الله اوقاتك

وانت سالم
وصح لسانك ياعيضه الثبيتي

قصيده جزله وحكم ثمينه

ارحب يابو فهد لا هنت