الفايدي روح جاي :)

يامرحبا عند قومٍ ضيفهم مايهان =عزوة عتيبة سلوم الطيب ترقالها
تعال يالفايدي واصهل صهيل الحصان= خل المثايل تدور الصبح بجزالها

دام البقاء والقبايل كل ابوهم خوان = ياعزوت(ن) طيبها من طيب مدهالها

ان كان تبقى إنتخاوى من مكان إلمكان = خطوتك لاتنثني وتصير خيالها

خوّة عتيبة عليها من حزامي ضمان =اقولها وانوي الطرقة علي فالها
الملعبة ياعميلي ماعليها بيان =راحت رجالٍ تفك العقد وحبالها

ياخالد الناس ماتبقى طويل اللسان = تبقى رجال(ن) تشوق العين بفعالها

يامكبر الفرق بين السيف والخيزران =والبنت في عينها مااحسن من عيالها

تبغي الصراحة عليك الله ودوك الامان=ماودي اكحل عيون الرمد واشوالها
انا بغيتك تعين ولالقيتك عوان=كنك كما اللي يزيد الحمل بأثقالها

ماني بمجبور احدرها بسد الطمان = الروح روحي وانا داري بمنزالها

الدله الي تبهرها من الزعفران = ماكيفت راسي المطنوخ فنجالها

ماهي كذا ياعميلي تدخل الامتحان = والا المعاني وسيع العرف يبرالها
انا هجوسي مع الشعار ترطن رطان = امجودٍ ساس مخرجها ومدخالها

ياخالد الناس قالو في هذاك الزمان = الطيبه طيبه من حض من قالها

الرطن خله لسيف الدين محمود خان= انت بدوي غترتك في حكمت عقالها

لا والله الا خسرت ولاكسبت الرهان = ياصاحبي حلحل المعني وتصحالها
والخاتمة يشهد الله والمعاني سمان = اسلم وسلم علي الجهنان ورجالها

ياصل السلام يابوخلود وصح لسانك

تشرفت واستفدت باللعب معك ولناء لقاء اخر انشاالله
وبيض الله وجهك

ووجهك ابيض يالفايدي والشرف لي ..وان شالله الجايات اكثر

يامكبر الفرق بين السيف والخيزران =والبنت في عينها مااحسن من عيالها

والخاتمة يشهد الله والمعاني سمان =اسلم وسلم علي الجهنان ورجالهـا

خالد الفوزان , الفايدي

صحت الألسن

صحت السنتكم

ما قصرتوا