قصيدة الامير الشاعر محمد الفالح

لك الحمد يارب ن يزيح الضلاله
منزل على الامه نبي الرساله
له الحمد والتمجيد والشكر والثنا
جميع العلوم الطيبه تنثناله
بعدها تهيض ماطرالي بخاطري
كلام ن يجيني لا نفتح له مجاله
بدعت الشعر بالحرف والحبر والقلم
ولاجبت منه الا نوادر جزاله
تعيشين يادار الرجال العزيزه
يادار المعزه والشرف والعداله
تعيشين يادار السعود المسمى
معزي نسل تركي وحنا خواله
معزي طويل الباع لاحل ذكره
تضرع يدين اهل الوطن بالدعا له
لاعله بجنات تطارد نهورها
برحمت ولي العرش منشي خياله
حكمها على السنه ونور طريقها
وخلف على الحكم السعودي عياله
عطاها سعود الي فعوله مجربه
ماتدري يمينه عن عطايا شماله
وفيصل زعيم ن ضربته توجع العدو
ليازاره المضيوم يرتاح باله
وخالد حكمها واستنارت بحكمه
كساها بنور العلم عقب الجهاله
وسلم مفاتيح الحكم لابو فيصل
فهد في سماء الطولات يبدي هلاله
وعبدالله الي هيبته ينشهد لها
شجيع ن يميل فوق راسه عقاله
وسلمان جعل الله يطول حياته
نبعثر مشاعر حبنا بالولاء له
ابونا وقايدنا وحنا بطاعته
ليا دقت اجراس الخطر كلنا له
يقوله محمد خادم الدين والوطن
فدا للوطن والدين روحه وماله
محمد الفالح