ياشاعر الروقه..

استلم ياشاعر الروقه لاهنت........



يامرحبا أحلى من حليب المغاتير = تقدير من قلبي بقدر الرجالي
طيرٍ بلا جنحان مايمكن يطير = وطيرٍ بجنحانه مع الجو عالي

دام البقا والله يمسيك بالخير=قبل الغروب وبعد وقت الزوالي
الا النعامه عن طيور السما غير=اجنوبها اعرض من جنوب الجمالي

يالله تدبرها بحسن التدابير = جاب الجواب ولا طرحت السؤالي
غير اللي قلته في مثل شكلها كثير = ليتك دريت ابها ياولد الحلالي

,
الله
الله
شاعر عتيبه . وشاعر الروقه
والفخر كل افخر لنا بكل الأثنين
لما تحمله هذه الأسماء من مكانه خاصه
في قلوبنا ,,,
واصلو وأنا في الصف الموالي ,,

شكري وتقدير
كله
للغالي
..
الايدا

وش هو جوابي ياحسين التفاكير=وان ضاع علمك لاتجيني تلالي
اسمك كبير وله معزه وتقدير=وان مااحتميته غيّره ياحلالي

الايدا

شكرا لشخصك الكريم

..
.
شاعر عتيبه
وشاعر روق ... والابداع المعهود ..... واصلوا ...

إن كان ماشفته نجيب المناضير = وتشوف ماقلته سوات الجبالي
اسمي تراه اسمي ولاهو بتزوير = ورثٍ ورثته طيب عمي وخالي

دربل بدربيلك وسوق التباشير=وافرح وفرحنا واخذ لك ريالي
ابلشتني بلشت جحا والمسامير=اللي غرزهافالجدارالموالي

مرزوق

هلا ومرحبا شرفتنا بحضورك

الله الله

واصلوا متابعين ترى

ما كل شيٍ(ن) لابغيته لك يصير = واعرف ترى الايام حالٍ وحالي
حقه وله حقه ولو شي(ن) صغير = شرطٍ عليك ولاتزيد الجدالي

مرزوووووووووووووق
الرجل المتابع دائماً
متابعتك تهمني جدا جدا..

الثعلي الاول
استبشرت الصفحه بوجودك

مانته بلا شاعر ولا سالم الزير=لكن اعدك واحدِ من عيالي
ارفع نظرك اشوي قدم ادهن السير=لاترتخي خلك يابو زيد عالي

انا من اهل الجزل معنى وتصوير = ولّي في فمه المر ما ذاق حالي
اليا عرضتك طالبٍ فيك تسعير = قالوا تراه بخيص والسوق غالي

يااللي بنيت البيت جا فيه تكسير= والبيت فيه من المهندس ميالي
الحر غالي ياشبيه العصافير=ماني بدافع فيك من حر مالي

انا المهندس لانكسر جاه تجبير = وانت العميل اللي تجيب المقالي
حرٍ(ن) سكن ياهيه في طيّة البير = ماهو على حيدٍ بنيف الجبالي

يامهندس الدجه لوتك المعاصير=وامست على وجهك تحوث الرمالي
اخير من خربِ قصير المناقير=والحر باسمه حر ياهملالي

جت فوق معصيرك سحابٍ شخاتير = سيلٍ يشيلك عرم لا سال سالي
اللي يشيل المسك ماينفخ الكير = كيف(ن) تمثل حال شكلك بحالي

الصيف ومزونه مقافي مدابير=ترعد وتبرق وابرق الحزم خالي
المسك طيبِ للرجال المناعير= والا انت طيبك غيرفاول وتالي

السيل فوق الحزم شال المباذير = خلّى محل الزرع جرفٍ هيالي
تعجز بي القوات وايضا الطوابير = ولاّ انت ياضني مصيبك هبالي

السيل حدروالاوادم مصادير =مايشربون الا القراح الزلالي
يااذكا ذكي لو لقموك الخوابير=تضحك متدري فوق حمر الزوالي

الله واعلم من شرب ماه تعكير = حدوه قوم(ن) فاللقا ماتبالي
الله لوشفت الاوادم مقابير = قلت ارحم بحالي يارب الجلالي

سلامتك يالغالي
تصبح على خير..
البيت الاخير موعظه لي وللاخوان المتابعين..

اثرك جهازِ ما يبا ارقام تشفير=واتقول انا شاعر وشعري مثالي
الموت حاصل وانت تحتاج تطهير=ذنبك كبير ومن جهنم يوالي
وسلامتك انت بعد

وانت من هل الخير
والموعظه زانه وطيبه بالحيل

محاوره جميله جدا جدا من
الشاعرين
المبدعين
وكلهم
شعراءنا

الله يعطيكم العافيه