25-Dec-2006, 10:01 PM
هجوسي ياهجوسي ذكريني ونة الماضي وغوصي في بالهموم ابحور =وعدي مقلحز بنايفات القور من شافه يقول ان السما دونه
وشبي من حطب جمر الليالي في ضميري حزن عيشي في كنفه ادهور=ولاتعطين قلبي لا اشتكى طول الظما ياكود دمع الموق واجفونه
وهاتي له سجل الحال والغربال وايامه ونهج الوقت والدستور=وقولي وش كتب بيمينه ابماضيه وسنينه على اوراقن بغيب النفس مكنونه
خواطر دقت ابوابه تشيل الرمح واحرابه عقب ما اظلم وغاب النور=حجب ضو القمر بالمزن لاغيم غمام الحزن غنى البين بلحونه
قطع حبل الرجا سيفه على كيفه وفي يدينه مفاتيح الديَر والدور=وهد الشامخات العاليه بالهاويه تلقى حصى السيسان مدفونه
سلب من نفسي الراحه وسعد القلب وافراحه وقف من دون كل اسرور=وله مابين نفسي والجسد حبل المسد مفتول بعروق ٍمن الايام مشطونه
يقولون الجمل ياصاح كانه طاح له بمراح به تزيد الطعون اكسور=سكاكينه تقده من طرفها ماحرفها ارغاه عنه ولاهديره يبري اطعونه
الاوا وجد حالي وجد شيخ ٍ عقب شيب شاف من ربعه هوان وجور=وهو في مامضى حامي الحمى والروح مرخصها نهار الضيق ينخونه
على عزه ماهزه صاملين الراي لاجو سارحين ونشرهم منشور=تضيع علوم من قالو نروّي البيض لاشافو شرار الموت بعيونه
يبات الليل من ضيم الرفاقه مثل من ساقه نقيض لكسره المجبور=يصيح من الونين وسقم كسره فالخلا لكن ماحوله ملا حتى يعينونه
وقلبي شال هم وغم من طور الليالي والثقالي كبر ضلع الطور=ونفسي قامت اتعالج مناهج حظها اللي حطها بالدرس مرهونه
ليا اشرعت السفينه في ظلام البحر ناوي لي من علاه اعبور=سموم الهيف هبت في لهيب الصيف في جو ٍ تغيرفالبحر لونه
وطار شراعها وذراعها ملوي بمفتول الحبال وفي سماه طيور=بعد موجه هدا قامت تدور للغدا مابين سِيف البحر واركونه
وليا عدلت مايلها تميّل عدل عايلها وعوّد بالمسير احدور=على حال ٍ مضى فينا قضى رب ٍ جميع الناس يدعونه
نوح بن صقر العتــــــــــيبي
وشبي من حطب جمر الليالي في ضميري حزن عيشي في كنفه ادهور=ولاتعطين قلبي لا اشتكى طول الظما ياكود دمع الموق واجفونه
وهاتي له سجل الحال والغربال وايامه ونهج الوقت والدستور=وقولي وش كتب بيمينه ابماضيه وسنينه على اوراقن بغيب النفس مكنونه
خواطر دقت ابوابه تشيل الرمح واحرابه عقب ما اظلم وغاب النور=حجب ضو القمر بالمزن لاغيم غمام الحزن غنى البين بلحونه
قطع حبل الرجا سيفه على كيفه وفي يدينه مفاتيح الديَر والدور=وهد الشامخات العاليه بالهاويه تلقى حصى السيسان مدفونه
سلب من نفسي الراحه وسعد القلب وافراحه وقف من دون كل اسرور=وله مابين نفسي والجسد حبل المسد مفتول بعروق ٍمن الايام مشطونه
يقولون الجمل ياصاح كانه طاح له بمراح به تزيد الطعون اكسور=سكاكينه تقده من طرفها ماحرفها ارغاه عنه ولاهديره يبري اطعونه
الاوا وجد حالي وجد شيخ ٍ عقب شيب شاف من ربعه هوان وجور=وهو في مامضى حامي الحمى والروح مرخصها نهار الضيق ينخونه
على عزه ماهزه صاملين الراي لاجو سارحين ونشرهم منشور=تضيع علوم من قالو نروّي البيض لاشافو شرار الموت بعيونه
يبات الليل من ضيم الرفاقه مثل من ساقه نقيض لكسره المجبور=يصيح من الونين وسقم كسره فالخلا لكن ماحوله ملا حتى يعينونه
وقلبي شال هم وغم من طور الليالي والثقالي كبر ضلع الطور=ونفسي قامت اتعالج مناهج حظها اللي حطها بالدرس مرهونه
ليا اشرعت السفينه في ظلام البحر ناوي لي من علاه اعبور=سموم الهيف هبت في لهيب الصيف في جو ٍ تغيرفالبحر لونه
وطار شراعها وذراعها ملوي بمفتول الحبال وفي سماه طيور=بعد موجه هدا قامت تدور للغدا مابين سِيف البحر واركونه
وليا عدلت مايلها تميّل عدل عايلها وعوّد بالمسير احدور=على حال ٍ مضى فينا قضى رب ٍ جميع الناس يدعونه
نوح بن صقر العتــــــــــيبي
