قصيدة الشاعر الواعد غلاب بن عايض العالي في ملتقى الهيلا حصريا ..

هذه القصيده حصريا لمنتدى الهيلا كما قال شاعرها
وبدورنا نقول بالتوفيق يبو عايض ,,



المبتدا بسمك يارب السمــوات = واعوذ بالمعبود من كل شيطان
ا سجد خضوع لرب الاحيا والاموات= والعز في الاسلام من بين الاديان
ماهمني جمع الذهب والريالات = بعد طلبت المجد غايه وعنوان
ماني بشاعر كان ماصغت الابيات = صوغ الذهب بيدين صواغ فنان
اسبح بحر واغوص هوج المحيطات=واخرج من المحار لولو ومرجان
اتعب على شعري واحوز الشهادات= يشهد رشيد وشاعر مظيم سلطان
اللي لهـــم في قمة الشعر رايات= والمعذره ياهل القصائد على شان
الشعر مهر وكل مهرٍ بكبوات = وان مـــاوفى ياجعلها كبوة حصان
وامسيت في روس الرجوم الطويلات= اقنب مثل مايقنب الذيب سرحان
وانخى هجوسي والحق الصوت باصوات=نخوة عتيبي صاح في جيش عتبان
وقدام ادور للورق والقلم جات = مثل الرياح ليا دعاها سليمــــان
ياربعنا نسل الجدود المسمات = في مزاين الهيلا طـــــويلين الايمان
البل عطايالله ولن راحت وجات = مافيه بين عتيبه اليوم خسران
الاسم مثل الوسم مافيه شكات = واللـــي يعانــدنا بلا شك غلطان
نثبت كما تثبت جبال السروات = وافعــــولنا ترجح على كل ميزان
ذباحة الحايل ولابه مراوات = لطامة العايل على الخيل فرسان
واشيوخنا نفخر بهم في المهمات =للطيب طيب وللمعادين عدوان
ومن حقي اماري بقوم المروات=الاد عالي يوم روغات الاذهان
عيال الزلامي مسرجين الكحيلات = يوم الزمان مقاضب حلوق واكوان
اهل السيوف المرهفات الصقيلات= يوم المعارك قدح نارٍ وصوان
وقدام يلحقني ملامه وشرهات = كل القبايل في الجزيره لهم شان
والحمدلله بعد ماكانو اشتات= صاروا سوا في المملكه مثل الاخوان
وانقذهم معزّي وازال الضلالات =بالشرع والدستور سنه وقران
عليه رحمة خالقي والصلوات= ماطار طير وما اورقت خضر الاغصان
ومن بعده عياله ملوك الزعامات=ماينجب الشيهان ياكود شيهان
الهم ولانا والوفا كل الاوقات =اسلم وسلم لي على خشم سلطان
وعبدالله ابونا رفيع المقامات = الشعر مايوفيه مع عبر الازمان
يكفيك عن وصفه عظيم السجيات = عدالة الفاروق في ثوب لقمان

يشرفني اكون اول من رد


كفو ياولد العم كفيت ووفيت

صح لسانه وقصيــده جزله ورائعه ..

اله يعافيــكـ يالغالـــي...

سلمت يالعصيمي وصح لسان شاعرها ,,

بارك الله بك , شكراً أخي الكريم

عبدالله الجذع لاهنت يالقرم والله يحييك ,,

قصيده رااائعه صح لسان الشاعر غلاب

مودتي

كفو ياولد العم بيض الله وجهك .
وصح لسان شاعرنا.

صح الساان قاايلهاا