رشيد الزلامي (الدنيا)

هذه القصيده لشاعر الحكمه رشيد الزلامي وهي تعبر عن نفسها..


مالوم عينن نثرت حلو ماها=ولالوم قلبن ودع الصبر توديع
الله من همن بروحي طواها=طي الكتاب و وزع الفكر توزيع
من واهجن بالكبد حالي رعاها=يبلش بطبه فاهم الطب ويضيع
ياشاري الدنيا وشاري عناها=تكفى تراني سامح البال وبيع
سلعة زبونن شابعن من غثاها=قد لوعت كبده من الهم تلويع
جرب مرارتها وجرب حلاها=وحرّج عليها راضي النفس ومطيع
ياللي تبالك مكسبن من وراها=أشتر عسى تربح وتفتح مشاريع
خلك تجرب جودها من رداها=ترا مناطقها مناطق جرابيع
سود الليالي يعلم الله خفاها=لو شفتها حيل(ن) تراها مضاريع
تضحك بوجهك والبلا في قفاها=وتدرقك بين أيامها ولأسابيع
والنفس لاتمشي لها في هواها=أمّارتن بالسو تحتاج ترديع
كم دهورة من كان يتبع رضاها=بيوم(ن) به العالم حفاتن مصاليع

رشيد الزلامي

قصيدة جزله من شاعر جزل


صح السان الشاعر الكبير رشيد الزلامي (ابوجميل)



لاهنت على النقل الرائع



تقبل مروري

صح لسان العلم ابو جميل والله يطول عمره


مبدع ومتمرس ماشاء الله في كل مجالات الشعر


الف شكر لك

محبك
.,

صح السان ابو جميل ولا هنت ياولد عاضي

بيض الله وجيهكم جميعآ
تحياتي

الله يعافي ابوجميل

ولا هنت ياسلطان العضياني

تحيتي
...

شكرآ لكم جميعآ

قصيده اسطوريه من شاعر اسطوري




مشكور ياذيب على النقل






تحياتي

قصيدة جزله من شاعر جزل


صح السان الشاعر الكبير رشيد الزلامي

مشكور اخوي على هذا النقل ويعطيك العافيه صحيح شاعر معنى وحكمه وما اقول الى الله يشافيه

شكرأ لكم جميعآ