ياعاشقين الشعر للشعر شعار

ياعاشقين الشعر للشعر شعار=الشعر فتل ونقض لاتظلمونه
معنى وفن وذوق في كل الأقطار=يافاهمين الشعر لاترخصونه
والشعر ديوان العرب وين ماصار=ديوانهم وتراثهم يحفظونه
من راح شرق وغرب ويمين ويسار=يلقاه عند أصحابه اللي تصونه
واليوم أظن الشعر بالحيل منهار=آخر زمان الشعر تبكي عيونه
ماكل شاعر يبدع القاف بيطار=لو إن صوته زين وألا لحونه
مايدري أن الشعر أحاسيس وأفكار=ماهوب ضحكة سن ياللي تبونه
عز الله إن الشعر مارد ومصدار=واللي يعرف الشعر يفهم فنونه
والشعر غالي مع هل الصيت والكار=اللي لهم تقدير ويقدرونه
من سابق الأيام والوقت دوار=الشعر دره فالبحور مخزونه
ماهوب لحد عن أحد لو قلت ابا اختار=لكن بعض الناس مايفهمونه
هذي نصيحه للعرب سر وجهار=من لايعرف الشعر يرتاح دونه
ماهوب فوضه فيه فالسوق تجار=سعر الذهب غالي ويلقى زبونه
يالله ياللي عالم(ن) كـل الأسرار=إلطف بحال اللي تغره ظنونه
يمشي على كيفه ولاهوب محتار=ماهوب ناقد والعرب ينقدونه
وليا نصحته ضاق ويقول ماغار=أنا الذي ما أرضى حياة المهونه
ماهوب عارف واجب الضيف والجار=مايدري إن الرأس عزه متونه
للشعر عند أهله محبه ومقدار=والشاعر العاقل منيعه حصونه
ويطب في جزل المعاني ويختار=ويقطف كما قطف الزهر من غصونه
ويصوغ بيت الشعر ويحكم الأشوار=ماخانه الهاجوس حتى يخونه
وختامها صلوا على سيد الأخيار=عداد برق(ن) ساطع(ن) في مـزونه

قصيده جزله من شاعر جزل
صح لسانك مليون
وبيض الله وجهك

صح الله لسانك يانايف وبيض الله وجهك
جزل وانا اخوك .. ودام ابداعك

الله الله



إبدإع غير مستغرب على شاعر بحجم نايف الثعلي



صح إلسااااااااااااااااااااانك



قصيده وإفيه من راس وافي




لك خالص التحيه

صح لسان يا شاعرنا الكبير ابو بدر


قلت فابدعت بيض الله وجهك طال عمرك




اخووك

نايف ابن ملحق
صح لسانك
مبدع وجزل وقصيده وافيه