يابن سرحان وش هالكلام؟؟ !!
فواز السعيدي09-Jan-2009, 05:27 PM
مساء الخير للجميع:
انا ماودي ابدا كلامي بالمشاريه = ليامنا بدينا بدينا بالسلامي !!
يبن سرحان وش هالكلام اللي تغنيه ؟ = وانا اللي ماتجيك الخطيه من كلامي !!
فواز السعيدي09-Jan-2009, 05:58 PM
موعدنا بعد العشا بحول الله
استاذن للصلاة
فايز بن سرحان الثبيتي09-Jan-2009, 06:17 PM
الشاعر القدير \ فواز السعيدي المعذرة وانا اخوك دوبي اشوف البدعة
لكن استلم
يافواز السعيدي طريقك جيت مخطيه =لكن ابشر بترحيبة ٍ تجلا الملامي
تراك ابعيد عن هرجة المنقود ياهيه = مصيبة كان حطيت راسك فالخطامي
بندر المرشدي09-Jan-2009, 06:31 PM
فواز السعيدي
ابن سرحان الثبيتي
صحت السنتكم مبدعين مبدعين
واصـــــــلـــــــوا واصــــــلـــــــوا
فواز السعيدي09-Jan-2009, 06:43 PM
طيب طيب
ليا لديت للشوك ماني بمتوطيه = تقديني عيوني ومشيي بالنظامي !!
سمعنا علم والعلم من بعض الخطا فيه = واشوفك كنك تقول رميه دون رامي !!
فواز السعيدي09-Jan-2009, 06:44 PM
مديرنا الغالي بندر المرشدي
صح بدنك يامرحبا يامرحبا
فايز بن سرحان الثبيتي09-Jan-2009, 07:22 PM
احسبنك تجي عند ظني يوم توحيه = واشوفك ما تميز الحلال من الحرامي
بعدها يالسعيدي كفا وش عاد ترجيه = خسرت السيف والبندقيه والحزامي
فايز بن سرحان الثبيتي09-Jan-2009, 07:23 PM
مرحبا بصانع التميز
بندر المرشدي
مرور عطر
تحيتي لك
علي الثبيتي09-Jan-2009, 07:37 PM
الله الله
صحت الالسن والقلوب
ومبروك يابن سرحان
انت شاعر مميزوتستاهل
فواز السعيدي09-Jan-2009, 07:46 PM
ترى لو كنت تدري عن اعريج ومغازيه = كشفت السر بين البطاحي والنعامي !!
وانا حبيت اعلمك قبل انك تعاديه = لعلك تفهم العلم ياراع الوسامي !!
فواز السعيدي09-Jan-2009, 07:48 PM
هلا هلا هلا بالنشمي
صح بدنك ومرورك يسعدنا كالعادة
فايز بن سرحان الثبيتي09-Jan-2009, 08:08 PM
اقلك يالسعيدي عسى الله يرحم البيه = اشوفه طاح بين العرب ماعاد قامي
لكن ابعد عن الفتنه اليا صرت حازيه = وشيل الحمل ياشعيل من فوق السنامي
فايز بن سرحان الثبيتي09-Jan-2009, 08:09 PM
النشــــــــــــــــــــــــــمي
ياعساني ماعدمك
مشكور على مرورك وعلمك الغانم
ولا عليك زود يابو فهد
فايز بن سرحان الثبيتي09-Jan-2009, 08:18 PM
فواز السعيدي
شاعر واستمتعنا بمجاراتك الله لايهينك
الختام عندك
و
تصبح على خير
فواز السعيدي09-Jan-2009, 08:23 PM
ابن سرحان اباحط وسمي في علابيه = لعله يترك الحذف ويزول العرامي !!
من اول واحليله وذلحينه مدانيه = لكن ادعو لهذا الثبيتي بالرحامي !!
الصاطي,,12-Jan-2009, 07:17 PM
يا سلااااااااااااااااااام محاوره ونقاش حااااااااد وممتع
تسلمووووووووووون يا نشاما
مرزوق حمدان العتيبي12-Jan-2009, 07:33 PM
..
.
طاروق جميل .... وابداع غير مستغرب
.... بيض الله وجيهكم ...
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
