اقرب شاعر يشرفني مجاراته
$ الحــيــران $12-Feb-2009, 01:09 AM
السلام عليكم
للفائدة فقط ليس إلا :)
سلام تسليمه على اللي لهم دور 000 اللي لهم منصب ودورٍ رياسي
ماهو غريبه منكم الظلم والجور 000 في كل عام تجددون المآسي
محمد النخيش12-Feb-2009, 01:13 AM
صح لسانك يالحيران
وننتظر من يقابلك
متابع...
$ الحــيــران $12-Feb-2009, 01:15 AM
حمود الحريجي12-Feb-2009, 01:33 AM
عبدالمجيد الثعلي12-Feb-2009, 04:33 AM
يامرحبا ومقدّم الطيب مشكور=جايك من أصحاب السياسه (سياسي)
عساك من جميع ماقلت مأجور=تبا تهب الريح والضلع راسي
$ الحــيــران $12-Feb-2009, 07:48 PM
إبك البقى لكن مانته بمعذور 000 لاصار هرجك ياولد دبلوماسي
بيت الشعر لاصار ماهو بمعمور 000 وش فايدة لاصرت شاعر حماسي
محمد شبيب السبيعي12-Feb-2009, 08:30 PM
الله الله
خطير يالحيران بصراحه انك سياسي صح لسانك ولسان عبدالمجيد
متابع
$ الحــيــران $12-Feb-2009, 09:26 PM
هلا بك يالسبيعي تشرفنا متابعتك
عبدالمجيد الثعلي12-Feb-2009, 11:10 PM
لو شكّل الشعار مروزق !! طابور=صرت إحتياطي ما يصنفّك أساسي
الله ولا اللي جاينا مطفّي النور=وألا (الشعر حنا أهله) كان ناسي
فايز بن سرحان الثبيتي12-Feb-2009, 11:15 PM
ياسلام
طاروق كاااااااااااايف
بيض الله وجيهكم
الحيران & عبد المجيد الثعلي
اسماء تستحق منا كل المتابعة
عبدالمجيد الثعلي12-Feb-2009, 11:22 PM
جميــع من مر
شرفتونا منورين بحضوركم
والله لا يهينكم
عبدالمجيد الثعلي12-Feb-2009, 11:27 PM
محمد شبيب السبيعي
حيااااااااااااك
صح بدنك
وشرفنا حضــورك
عبدالمجيد الثعلي12-Feb-2009, 11:29 PM
ابن سرحان الثبيتي
حياااااااااااااااااك
و وجهـك أبيـض
لنا الشرف أيضاً بمتابعتـك وحضورك
$ الحــيــران $13-Feb-2009, 12:07 AM
مرزوق رجالٍ وفي وافي شبور 000 مار البلا لاجاك لعب الكراسي
ياصاحبي والعلم واضح ومخبور 000 من شاعر المليون ياشيب راسي
$ الحــيــران $13-Feb-2009, 12:08 AM
ابن سرحان لاهنت يالغالي على تشريفك
عبدالمجيد الثعلي13-Feb-2009, 01:42 AM
مافيه شك ونعم ماحـوله قصور=حقق من الأرقام رقم(ن) قياسي
بالله لا تنشدني عن العمّي والعور=اللي يشيلون العرب فالتكاسي
عيد العازمي13-Feb-2009, 01:55 AM
بالله لا تنشدني عن العمّي والعور
اللي يشيلون العـرب فالتكاسـي
هههههههه
ياسلام سلم
الحيران
وعبد المجيد
صحت السنتكم
عزالله مبدعين ولاغرابه
عبدالمجيد الثعلي13-Feb-2009, 02:12 AM
العازمي
الله إنه مار يحييك
صح بدنك
والإبداع والله حضــــورك
شرفت بوجودك
شمري واحب عتيبه13-Feb-2009, 03:53 AM
سلام يامجيد يا وافي الشبور=سلام من شمري جا يواسي
من شي حصل مانيب مسرور=سعود طالع واوجعن راسي
واعذرن من القصور.
بندر سعود الدغيلبي16-Feb-2009, 02:35 AM
صح ألسنتكم ياشعارنا
الحيران ....... عبدالمجيد
محاورة حماسية وجزلة
متابعين تحياتي لكم
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
