محاورة بين الشاعر محمد عبيد الحربي والشاعر راشد السحيمي

الشاعر راشد السحيمي (سيف حرب) والشاعر محمد الربيقي الحربي

محمد عبيد الربيقي


الله الله ذعذعت من شمال ومن جنوب
لين قامت تكبر النار وتـزود شبـوب
ماتموت النار مادام يطرقها الهبـوب
الله الله كل جمـره علـى غليونهـا


ياراشد قوم خل العازمي يرتـاح=يقول ان المعاني شيبت راسـه
ترى كان ان قدرك في دقيقه فاح=لوالله يالسحيمي ظاعت الطاسه




راشد السحيمي


الله الله ذعذعت كون من جنبي قريب
انت تبغاها ولا الله كتب فيها نصيب
الخزانه ليش روح بها السيد حبيـب
الله الله كل جمـره علـى غليونهـا


انا حاضر ومعي القفل والمفتاح=سواليفي مع بن عبيد حساسه
محمد كيف يذبحنا بدون اسلاح=موظف مير لا كرسي ولاماسه




محمد عبيد الربيقي


الله الله كل من طاف سـن الاربعيـن
يحسبنه يملك الصلح بيـن الاقربيـن
مادرى ان اسمه ثلاثة حروف ونقطتين
الله الله كـل جمـره علـى غليونهـا


من اول يعتزي راشد وهو مرتـاح=وتال الوقـت دون البيـت حراسـه
ياراشد لا تروح مع الحمام ان ناح=ترى الموضوع يبغى عرف وسياسه




راشد السحيمي



الله الله تاصل الاربعيـن اللـي تقـول
الرساله كم نزلت على طه الرسـول
كد وصلنا الاربعين افهموا ياهل العقول
الله الله كـل جمـره علـى غليونهـا


من الباحه عطوك الخوخ والتفاح=اكل ثنتين واكلهـا علـى راسـه
حلمت حلوم لكن عارضتك اشباح=صحيح ان الولد يرجع على ساسه




محمد عبيد الربيقي



مشكلة راشد من العام والله مشكلة
نحتسيه بعلم مضبوط ويضيع اشكله
يامعزبنا تعال اختصربـه واحكلـه
الله الله كل جمره علـى غليونهـا


انا صافحت يمنى كاسـب الامـداح=حفيد اللي يضيع الباس من باسـه
ـــــــتذكر عصرك اللي راح=نسيت ان الخيال يجيـك عساسـه




راشد السحيمي


الله الله وين نلقاك فـي وقـت اللـزوم
انت ماعندك فعل بس شاطـر بالعلـوم
رحت تبغى الحج لكن رجعت من الجموم
الله الله كـل جمـره علـى غليونهـا


كثير انك قدرت تصافحه ياصاح=انا راسم لكم صوره بكراسـه