31-May-2010, 07:28 PM
بسم الله الرحمن الرحيم
الأخوه أعضاء منتدى الهيلا رأيت أنه من الواجب تواجدي هنا بينكم بحكم أنتمائي وأسمحولي بهذه
المتواضعه علها ترتقي لمستوى ذائقتكم
ياعازفِ لحنك على نفخة الناي = زودت بطراف الأنامل همومي
قسمت لحنك لين نونيت نوناي = وأفطرتبي قدم الجوارح تصومي
أرخيتلك فكري وسمعي ومنحاي = وحركتني لو كان مالي لزومي
طاولت ليلك لين وافقت ليلاي = وبيحت سدِ كنت أعده كتومي
هذا ونا أدقق بفكري وممشاي = ولبس على قدي مقاس الهدومي
أمد للطيب على الطيب يمناي = وقصر مجال مكثرين العلومي
ومع قسوة الأيام مانيب شكاي = أشكي على الله مال غيره يمومي
أقف على ساقي ولو شحة خطاي = ولا سند على رجلِ يبين ثلومي
مشفيت في شهره ولعذرة برداي = ولا نيب من يرقى بحب الخشومي
مبدي برايي لين يتركلي الراي = حشمة نفسي والحشيم محشومي
لو كل قبَ جات نوميبها أوماي = كان أبتلشنا بين هرش وقحومي
با الله وقف عاد ياعازف الناي = أوميت في قلبِ من العام يومي
حطيت همي بين ناري ومركاي = وذكرتني من حط قلبي قسومي
الفاتن اللي با الحيا يغضي أغضاي = دايم وطيفه مايفارق حلومي
فديت عينه عين حرِ بيسراي = لحاق يرغب من تغزّ النجومي
فرخِ على شرد الحباري له أرهاي = ليا طلبها حولت ما تزومي
موحيتبه هرجة عذولِ وحكاي = أرفاه عن قول الكليم الهرومي
لا شفت زوله جيت أرحب تحفّواي = ما شوف غيره من جميع العمومي
أنصاه ولو دونه ثمانين رماي = أشفق على قربه ولو كان يومي
حبه تغلوى وسط صدري تغلواي = حبِ وسرني ماقوته العزومي
الله يصبرني على قو بلواي = والله يلوم اللي لمثلي يلومي
من عقب فضّلته على أدنا دناياي = قفى وعرّضني حتيف الحزومي
قفى وخلاني بعد ما أفرح عداي = أصفق بكفِ كف وأقعد وأقومي
الأخوه أعضاء منتدى الهيلا رأيت أنه من الواجب تواجدي هنا بينكم بحكم أنتمائي وأسمحولي بهذه
المتواضعه علها ترتقي لمستوى ذائقتكم
ياعازفِ لحنك على نفخة الناي = زودت بطراف الأنامل همومي
قسمت لحنك لين نونيت نوناي = وأفطرتبي قدم الجوارح تصومي
أرخيتلك فكري وسمعي ومنحاي = وحركتني لو كان مالي لزومي
طاولت ليلك لين وافقت ليلاي = وبيحت سدِ كنت أعده كتومي
هذا ونا أدقق بفكري وممشاي = ولبس على قدي مقاس الهدومي
أمد للطيب على الطيب يمناي = وقصر مجال مكثرين العلومي
ومع قسوة الأيام مانيب شكاي = أشكي على الله مال غيره يمومي
أقف على ساقي ولو شحة خطاي = ولا سند على رجلِ يبين ثلومي
مشفيت في شهره ولعذرة برداي = ولا نيب من يرقى بحب الخشومي
مبدي برايي لين يتركلي الراي = حشمة نفسي والحشيم محشومي
لو كل قبَ جات نوميبها أوماي = كان أبتلشنا بين هرش وقحومي
با الله وقف عاد ياعازف الناي = أوميت في قلبِ من العام يومي
حطيت همي بين ناري ومركاي = وذكرتني من حط قلبي قسومي
الفاتن اللي با الحيا يغضي أغضاي = دايم وطيفه مايفارق حلومي
فديت عينه عين حرِ بيسراي = لحاق يرغب من تغزّ النجومي
فرخِ على شرد الحباري له أرهاي = ليا طلبها حولت ما تزومي
موحيتبه هرجة عذولِ وحكاي = أرفاه عن قول الكليم الهرومي
لا شفت زوله جيت أرحب تحفّواي = ما شوف غيره من جميع العمومي
أنصاه ولو دونه ثمانين رماي = أشفق على قربه ولو كان يومي
حبه تغلوى وسط صدري تغلواي = حبِ وسرني ماقوته العزومي
الله يصبرني على قو بلواي = والله يلوم اللي لمثلي يلومي
من عقب فضّلته على أدنا دناياي = قفى وعرّضني حتيف الحزومي
قفى وخلاني بعد ما أفرح عداي = أصفق بكفِ كف وأقعد وأقومي
