الـــــــــــــــــخـــــــــــــــــــوه والــــــــــمــــــــــــــــعــــــزه

ماللمعزه كود هامات القمم

يطرب سناهاكل قرم مخايله

والا ضعيف النفس يبطي ما زعم

ساسه رخى القيعان والمتهايلة

نكسب مع الاجواد عادات وقيم

نرقى سنود ونرتكي للهايلة

اعاهدك باللي خلقنا من عدم

انك سند وانا متوني شايلة

عن كاسبين الجود سجل ياقلم

غيم تزبر فوق حر القايله

صيت الرجل منحوت في كف الشيم

وطبوع قاسي الراس من سلايله

اسمك حروفه تاج يالحر الشهم

فخرآ على راسي ولااحد بنا يله

ولا يعن الراس ويسوق القدم

الا مسيرآ فوق روس الطايله

على ضعيف الرأس مافاد الزهم

لو تزهمه بأسمه وبأسم العايله

عليك أمان الله ومد أم الشحم

أني حزامك في الليالي المايله

أحدن لياطروه قالوا والنعم

وأحدن لاقيل اسمه يفشل قايله

الكفو له في هاتفي اسم ورقم

واللاش مالي رقم في موبايله



الشاعر: ولـــــــــــــــد روق

صح السااااااااااااااااااااان الشاعر

سؤال للشاعر الجديد


ولد روق هو الشاعر والا الناقل ؟

صح لساااااانك ملايين وليتك سجلت إسمك بالكامل حفاظ على حقوقك

والقصيدة رااااااااااائعة

حسب ماقرأت في احد المنشورات ان القصيده للشاعر المعروف علي بن حمري

الرجاء الافاده من الاخوه الاعضاء
تحياتي