عبدالله الهديريس ـ ابومتعب مع اخوانه درعنا وحمانا

http://www.youtube.com/watch?v=RvRl39269CQ&feature=related






يالله الوالي عظيم الشان يامولانا =مدنا من جود مدك ياجزيل المده
دم علينا نعمتين الامن والايمانا =وكل شر ٍ عن وطنا ياإلاهي عَدّه
نحمد الله في ظلال الله عظيم الشانا =ومنهج الاحكام من شرع الولي نمتده
كلنا من فضل ربي في البلاد اخوانا =ماتفرقنا ظروف ايامنا المشتده
عطّر الله قبر عوْد ٍ وحّد الاوطانا =قبل حكمه كل دار بشرّها مستده
حكّم الشرع القويم ونصّب الميزانا =لين راعي كل حق ٍ بالعدل يستده
ياعسى في جنة الفردوس له مسكانا =فضل ابو تركي علينا سيرة ٍ ممتده
عقبه اورثها رجال ٍ جهدهم مالانا =وصلوها قمة الامجاد في اقصر مده
جعل مثواهم جنان الخلد يارحمانا =في نهار ٍ كل مسلم له يعد العده
وان تكلمنا بفرق اليوم عما كانا =في التطور والرغد والعلم يصعب عده
في عهد عبدالله انعم دارنا وازدانا =يالمواطن عش بخير ومد حبلك مده
الزعيم اللي لياجات الشدايد بانا =كم زعيم ٍ لاحداه الكرب لاذ بسده
موقفه لن كان شان الوقت ولا ّ زانا =كل حكام العروبه موقفه تعتده
احتمى حصن البلاد وحاز كل رضانا =واحتوى هم المواطن بالرخاء والشده
ابو متعب مع خوانه درعنا واحمانا =دونهم نقطع ذراع المعتدي لامده
الولاء منا قديم ونورثه لأتلانا =بيعة ٍ منا لهم تبقى لياخر عده
والوطن حبه نما بأرواحنا ودمانا =مهبط الذكر العظيم وبالشرف من قده
محتمينه بالعمار وماتحوش يدانا =ومن دمي صدورنا بالضيق نسقي خده
ياشباب بلادنا الوافين والشيبانا =البلاد أمنه وامانه قبل غيره بده
لاتديرون السموع ويفرحون عدانا =خلو الحاسد يموت ونيته مسوده
العداه اللي تكيل الحقد ماتخفانا =عارفين اهل القلوب اللي سوات القِدّه
بالتلاحم والتفاهم يثبت البنيانا =صفكم جمعه يرد المعتدي ويصده
الله انه من شرور اهل الحسد يحمانا =كيدهم جعله عليهم حذفة ٍ مرتده

عبدالله الهديريس العتيبي

صح لسانك قصيدة جميله

شاركر لك مرورك وصح لسان شاعرها وصح بدنك