دار الزمن{جديد}

دام الزمـن عقـد عليـنـا حجـاجـه = كل ما يسـوي لازم نقـوول مسمـووح

ماينفـع المشتـاق كـثـر احتجـاجـه = دام الجفا في شرعكـم صـار مبيـووح

كل مـا هقيـت انّـا قريـب انتواجـه =القاك يـا خلّـي علـى البعدمشفـووح

وكل ما ضويت الشوق تطفـي سراجـه = وتترك شعووري بين حـي ومذبـووح

وشلون ألومـك لـو مشيـت بعواجـه = ماتدري ان كل الخطـا منـك مدمـووح

تعـال قبـل لاتـرووح بهديـك حاجـه = ما عـاد فيهـاا مـع البعـد مصلـووح

ماهي رسائـل او عطـوور بزجاجـه = بهديـك قلبـي دامـك معـزم تـرووح

كـدر مزاجـي كــدر الله مـزاجـه=وعرّض جميع اسرار نفسي على البووح

نوبن صويـب ونـوب فيـه ارتجاجـه = ونوب عطيب ونوب يشكي من النـووح

اخـذه معـك مليـت كثـر اللجـاجـه = وشحاجتي في قلـب مليـان بجـرووح

بيدك نـزف جرحـه وبيـدك علاجـه = وبيدك تواريه الثـرى وتأخـذ الـرووح
وللكم جزيل الشكر والامتنان
على مشاركتي لكم في منتدي
كل عتيبي ودمتم بالف خير

اخوكم
المخـــلـــــدي؟؟

...
لاهنت يالمخلدي على هالقصيده الجميله
ولقد قمت بتنسيقها حيث انها لم تكون واضحهه للقراءه ..
كل الود

اشكرك اخ مرزوق على مرورك

وتقبل خالص ودي واحترامي


اخوك الصغير/المخلدي؟؟

صح لسااااااااااااااانك والله حلوة